Krink
Dit Woort hett noch annere Bedüden: kiek dorför ünner Krink (Mehrdüdig Begreep).
De Krink (Mehrtall: Krinken) is een vun de wichtigsten Begrepen ut de Geometrie. En Krink is defineert as de Koppel vun Punkten, de to en Middelpunkt M densülvigen Afstand r hebbt. In de Ümgangsspraak warrt ok all dat, wat binnen den Krink liggt to den Krink rekent. Aver in de Mathematik höört sotoseggen bloots de Kant to den Krink.
M = Middelpunkt
r = Radius
d = Dörmeter
De Krink is en slaten Bagen un deelt en Flach in en Rebeet buten un en Rebeet binnen.
De Ümfang vun en Krink is de Längt vun den Weg langs den Krink.
Formale Definitschoon ännern
De formale Definitschoon vun den Krink k in dat Flach F geiht so:
De Klemmen defineert en Koppel. To disse Koppel höört alle Punkten X ut F dorto, de de Beding höllt, de na den Streek steiht: de Lien vun M na X hett de Längt r. Dorbi is M de Middelpunkt vun den Krink un r is de Radius.
De dubbelte Radius is de Dörmeter un warrt mit d betekent.