Kupffer-Steernzell
De Kupffer-Steernzell (ok as kupffersche Steernzell oder Browicz-Kupffer Zell betekent) is en Tyyp vun Zellen, de na de Opdeckers Karl Wilhelm von Kupffer un Tadeusz Browicz nöömt sünd. Dorbi hannelt sik dat üm Makrophagen (Freetzellen) vun de Lebber mit en Form as’n Steern un en ovalen Zellkarn.
De Steernzellen sitt in’t Lebbergeweev an de Binnenwand vun de Lebberkapillaren – dat sünd de lüttsten Bloodfatten – billt sik ut de Monozyten. Se nehmt frömme un liefegene Stoffen ut dat Blood vun de Poortader un boet jem af. Tomeist sünd dat Schaadstoffen, Stoffwesselprodukten un Bakterien, man jüst so ok schaadhafte un olle Erythrozyten.