Kurotec-KTS
Kurotec-KTS is en Ünnernehmen ut Stood, dat Produkte ut Glasfaserverstärkten Kunststoff (GFK) herstellt, ünner annern Rohren un Behöllers. Dorbi warrt Glasfasern in Vinylesterharz inbeddt. Kunnen sünd vör allen de Chemieindustrie un Kraftwarkbedrievers, denn de Stoff GFK warrt nich angrepen, wenn Chloride dör de Rohren un Behöllers fleet oder dor in lagert warrt.
Geschäftsföhrer is Manuel Nunez-Alvarez.[1]
Historie ännern
Dat Ünnernehmen is 1983 in Stood grünnt worrn un sitt in de Straat An’n Bullenhoff 25 in de Soltdoorsvörstadt.
Vondaag maakt Kurotec-KTS op 14.000 m² Produkschoonsflächen mit 250 Mitarbeiders en Ümsatz von 35 Milljonen Euro in’t Johr.[1] Dat Ünnernehmen hett Standöörd in Stood (100 Mitarbeiders), Dülmen, Schkopau (bi de Buna-Warken), Pyskowice un Kozielice in Polen un Stara Sagora in Bulgarien.[1]
Footnoten ännern
- ↑ a b c Daten & Fakten op kurotec-kts.de
Weblenken ännern
- Websteed von Kurotec-KTS (hoochdüütsch)
Koordinaten:53° 36′ N, 9° 29′ O