Lars Onsager

Lars Onsager (* 27. November 1903 in Oslo; † 5. Oktober 1976 in Coral Gables (Florida) bi Miami) weer en norweegsch Physiker. 1968 hett he de Nobelpries för Chemie kregen.

Lars Onsager (1968)

Onsager studeer af 1920 Chemieingenieurwesen an de Technisch Hoochschool in Trondheim (Norwegen) un hett 1928 en Lehrupdrag an de Brown University in Providence (USA) kregen.

1934 is he to’n Professer för Chemie an de Yale University in New Haven (USA) beropen wurrn un weer van 1972 bit 1976 Professer an' Center for Theoretical Studies vun de University of Miami in Coral Gables bi Miami.

Onsager kreeg 1968 de Nobelpries för Chemie för dat Opdecken vun de reziproken Relatschonen, de na em nöömt sünd.