Hauptmenü öffnen

GeografieÄnnern

Laven liggt so bi een Kilometer von de Geest af, de in’n Süden von’n Oort langsflütt.

De Naveröörd sünd Wehden in’n Noorden, Elm un Maschkamp in’n Oosten, Bramel in’n Süüdoosten, Schippdörp in’n Süüdwesten, Spaden un Bremerhoben in’n Westen un Fehmoor in’n Noordwesten.

HistorieÄnnern

Toeerst in de Oorkunnen dükert de Naam 1375 op. Aver bloots as Naam von en Persoon, Marquart von Lavene. Aver al 1376 kummt denn de Oort ok direkt in de Oorkunnen vör, as Gebhard von Desbüttel sien Besitt tu Lavende an dat Klooster Niewohl verköfft.

In de Franzosentied von 1810 bet 1813 hett Laven to de Kommuun Bremerleh tohöört. Na de Franzosentied hett dat jüst as vörher wedder to dat Amt Beers höört. Laven hett von 1852 bet 1885 to dat Amt Leh tohöört. Na 1885 weer dat in’n Kreis Leh. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

1974 is de Gemeen Laven Deel von de Gemeen Schippdörp worrn.

InwahnertallÄnnern

Johr Inwahners
1824-00-001824[1] 19 Füürsteden
1848-00-001848[2] 60 Lüüd. 10 Hüüs
1910-12-011. Dezember 1910[3] 69
1925-00-001925[4] 79
1933-00-001933[4] 73
1939-00-001939[4] 70
2012-02-2929. Februar 2012[5] 89

ReligionÄnnern

Laven is evangeelsch-luthersch präägt un höört to dat Kaspel Spaden.

WapenÄnnern

Dat Wapen von Laven wiest op blauen Grund op en sülvern Schildfoot ut Wellenlienen en sülvern Seeroos. Dat steiht för den Lavener See, de in de Johren 1960 na de Flurbereinigung verlannt is.

OortsvörstännÄnnern

  • opstunns: Karin Müller

KulturÄnnern

VerenenÄnnern

De Freewillige Füürwehr Laven is 1902 grünnt worrn.

Weertschop un InfrastrukturÄnnern

VerkehrÄnnern

Laven liggt an de Kreisstraat 61, de in’n Süüdoosten na Bramel un an de K 60 ran löppt un in’n Noordwesten an de K 63 ran. Över de K 63 is de Oort ok an de Autobahn 27 (Opfohrt 6 Bremerhoben-Överseehavens) anslaten, de so bi fiev Kilometer weg is. En lüttjere Straat gifft dat ans noch na Spaden.

De nächste Bahnhoff is in Leh an de Bahnlien Bremen-Cuxhoben.

FootnotenÄnnern

WeblenkenÄnnern

  Laven (Gemeen Schippdörp). Mehr Biller, Videos oder Audiodateien to’t Thema gifft dat bi Wikimedia Commons.