Leggimmen

Bi de Leggimmen (Parasitica oder Terebrantia) hannelt sik dat um een vun de beiden Unnerornens vun de Kneepwöpsen (Apocrita). De annere sünd de Steekimmen (Aculeata). All höört se to de Huudflunken (Hymenoptera) mit to.

Leggimmen
Eken-Gallwöpse (Cynips quercusfolii)
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Böverornen: Neeflunken (Neoptera) Ornen: Huudflunken (Hymenoptera) Ünnerornen: Kneepwöpsen (Apocrita) Infraornen: Leggimmen
Wetenschoplich Naam
Parasitica; Terebrantia
Latreille, 1802

Seken vun de Brackwöpse Neoneurus vesculus leggt ehre Eier in Arbeitersche vun de Iemecken-Aart Formica cunicularia af.

To de Leggimmen weert u.a. de Brackwöpsen, Priemwöpsen, Sluppwöpsen un Gallwöpsen torekent. Vörmols sünd ok de Plantenwöpsen un de Goldwöpsen as Leggimmen ankeken wurrn. De Taxa, de hüdigendags to de Leggimmen torekent weert, weern vörmols unner den Naam Parasitica tohopenfaat.

De meisten Aarden bruukt ehren Leggbohrer (Ovipositor) to’n Afleggen vun Eier in en Weert, de noch leven deit. De warrt achternah vun de Budden, wenn se utkrapen sünd, upfreten. To’n Sluss gaht de Weerte dor bi doot un weert heel un deel vertehrt. De Budden leevt also as Parasitoide, vundeswegen ok de Naam Parasitica. Hen un wenn weert all Aarden, de ehre Budden so leven doot, as Sluppwöpsen betekent, man an un for sik höört bloß de Aarden ut de Familie Ichneumonidae to de Sluppwöpsen.

De Leggbohrer is bi de Leggimmen also nich to en Wehrprickel (oder Giftstickel) ummuddelt wurrn, as bi de Folenwöpsen un annere Steekimmen.

To de Leggimmen höört keen Insekten to, de en Staat billen doot, as u.a. de Iemecken oder Echten Wöpsen.

Borns

• John Heraty, Fredrik Ronquist, James M. Carpenter, David Hawks, Susanne Schulmeister, Ashley P. Dowling, Debra Murray, James Munro, Ward C. Wheeler, Nathan Schiff, Michael Sharkey (2011): Evolution of the hymenopteran megaradiation. Molecular Phylogenetics and Evolution 60: 73–88. doi:10.1016/j.ympev.2011.04.003
• Michael J. Sharkey, James M. Carpenter, Lars Vilhelmsen, John Heraty, Johan Liljeblad, Ashley P.G. Dowling, Susanne Schulmeister, Debra Murray, Andrew R. Deans, Fredrik Ronquist, Lars Krogmann, Ward C. Wheeler (2012): Phylogenetic relationships among superfamilies of Hymenoptera. Cladistics 28: 80–112. doi:10.1111/j.1096-0031.2011.00366.x
• Michael J. Sharkey (2007): Phylogeny and Classification of Hymenoptera. Zootaxa 1668: 521–548.