Leland Harrison Hartwell

Leland Harrison „Lee“ Hartwell (* 30. Oktober 1939 in Los Angeles), Biochemiker un Krebsforscher, weer Direkter vun dat Fred Hutchinson Cancer Research Center an de University of Washington in Seattle.

2001 kreeg he gemeensam mit Richard Timothy Hunt und Paul Maxime Nurse den Nobelpries för Physiologie oder Medizin, för dat Opdecken vun maatgevend Regulatoren för den Afloop vun de Zelldeelen.

Leven

Hartwell wies all as Kind leevhaft Interesse an Biologie, verbunnen mit dat Verlangen nah gründlich Verständnis vun de beobacht Phänomene. As eerst in sien Familie fung he en Studium an, tonächst in Physik, is denn aber bald to de Biologie wesselt. Nah den Afsluss an dat California Institute of Technology is he to dat Massachusetts Institute of Technology an dat Institut von Boris Magasanik wesselt, wo he 1964 sien Doktertitel maaken dee. Sien Promotschonsthema weer: "Studies on the induction of histidase in Bacillus subtilis".

Nah wiederen Forschungsarbeiten an dat Salk Institute for Biological Studies wessel he 1965 up en Assistenzprofessur an de University of California, Irvine un 1968 an de University of Washington in Seattle, wo he 1973 Perfesser för Genetik wurr. Van 1997 bit 2010 weer he dor Direkter vun dat Fred Hutchinson Cancer Research Center.

Opdecken to den Afloop vun de Zelldeelen

Hartwell hett sück kört nah sien Promotschoon entscheed, genetisch Methoden to dat Ünnersöken vun de Zelldeelenssmechanismen intosetten. Ofschons he all dormals Anwendungen vun sien Forschungsergevnisse to de Krebsbekämpen anstreev, hett he Hefezellen (Saccharomyces cerevisiae) as Ünnersökensobjekt wählt, wiel de Arbeit mit de methodisch lichter weer as mit minschlichen Zellkulturen. Dör elegante Mutatschonsexperimente gelang hüm dat, en Folge vun över 100 Genen to finnen, de de Zelldeelen reguleeren, vun hüm CDC-Gene nömmt ("cell division cycle genes").

Akademische Utteknungen

• 1987 Liddmaat vun de National Academy of Sciences vun de USA
• 1991 Alfred P. Sloan, Jr. Prize
• 1991 Präsident vun de Genetics Society of America
• 1992 Gairdner Foundation International Award
• 1994 Genetics Society of America Medal
• 1995 Dickson Prize in Science un Louisa-Gross-Horwitz-Pries, Keith R. Porter Lecture
• 1998 Albert Lasker Award for Basic Medical Research
• 1998 Liddmaat vun de American Academy of Arts and Sciences
• 2000 Massry-Pries
• 2001 Nobelpries för Physiologie oder Medizin

Weblenken

• Leland Hartwell up de Sieden vun den Nobelpries (engelsch)
• Hartwell sien Websteed an de University Seattle mit Literaturangaven
• Nobelpreisvorlesung mit Literaturangaben (PDF-Datei; 685 kB)