Hauptmenü öffnen
Leonard Nimoy (2011)

Leonard Simon Nimoy (* 26. März 1931 in Mattapan, Boston, Massachusetts; † 27. Februar 2015 in Bel Air, Los Angeles, Kalifornien) weer en US-amerikaanschen Schauspeler, Speelbaas, Filmproduzent, Schriever, Musiker un Fotograaf. He weer internatschonal bekannt vör allen dör sien Rull as Mr. Spock in dat Star-Trek-Universum, de he vun 1966 bit 2013 in tallrieke Feernseh- un Filmprodukschonen speelt hett.

Leven un WarkÄnnern

Nimoy weer as Söhn vun Max Nimoy un Dora Spinner, twee Inwanneres ut Isjaslaw in’n Westen vun de hüütige Ukraine boren. Sien Vadder höör en Putzbüdel-Salon, sien Mudder weer Huusfro. Na de School studeer he de Schauspeleree an’t Boston College. Eerste Insichten harr he aver al in sien Jöögd kregen. En eerste lütte Filmrull harr he 1951, dorna speel he in tallrieke Filmen un Theaterstücke mit. Bekannt worrn is he sünners mit Star Trek as Mr. Spock. För de Rull is he ok mehrmols för Priesen nomineert ween. Gastrullen harr he ok in annere bekannte Regen as Columbo oder T.J. Hooker. Bito weer he ok as Speelbaas aktiv.

1967 hett he en Langspeelplaat ünner den Titel Leonard Nimoy presents Mr. Spock’s Music from Outer Space rutbröcht, op de he ok sülvst singen de. In de Johrteihnten dorna hett he teihn Albums maakt, so as If I Had a Hammer vun Pete Seeger, Put a Little Love in Your Heart vun Jackie DeShannon und Gentle on My Mind vun John Hartford.

 
Dat tyypsche Handteken vun Mr. Spock

As Star Trek afsett weer, hett Nimoy in de Agentenreeg Mission: Impossible (dt.: Kobra, übernehmen Sie) as Paris mitspeelt un dormit Martin Landau aflööst, de to veel Gaasch hebben wull. Blangen de Schauspeleree hett Nimoy sik aver ok as Fotograaf un as Schriever versöcht. He hett Gedichtbännen schreven un in’n Afstand vun 20 Johren twee Autobiografien verfaat, de ünner de Titels I Am Not Spock (1977) un I Am Spock (1995) rutkemen. De tweete is ok op düütsch in’n Heyne Verlag publizeert worrn.

As J. J. Abrams De Produkschoon vun den 2009 publizeerten ölvten Star-Trek-Film övernahmen hett, weer de Rull vun Mr. Spock to’n eersten mol mit en anneren Schauspeler besett (Zachary Quinto), liekers hett Nimoy ok in den Film wedder sien Rull as de öllere Spock speelt. En Johr na’t Utstrahlen geev he aver dat Enn vun sien Loopbahn bekannt[1]. In de Reeg Fringe weer he 2012 denn aver doch noch mol as Dr. William Bell to sehn, den he siet 2009 al af un an mol dorstellt harr. 2013 harr he ok noch mol en Cameo-Optritt as Spock in den twölvten Star-Trek-Film Into Darkness.

Nimoy weer tweemol verheiraat. De eerste Eh mit de Schauspelersche Sandra Zober güng vun 1954 bit 1987[2]. Se harrn tosamen twee Kinner, dorünner ok de Speelbaas Adam Nimoy. 1989 hett he de Schauspelersche Susan Bay heiraat, mit de he bit to sien Doot tosamen weer.

An’n 6. Februar 2014 hett Nimoy över Twitter bekannt geven, dat he an en chroonsch obstruktive Lungkrankheit (COPD) lieden de un geev sien 808.000 Followers bi Twitter den Raat, nich mehr to smöken[3]. An’n 27. Februar 2015 is he in sien Huus in Los Angeles an de Naklaap vun sien Krankheit in’t Öller vun 83 Johren doodbleven[4]

Filmografie (Utwahl)Ännern

 
Nimoy (1980)
Johr Titel Synchroonsnacker Funkschoon
1951 Queen for a Day   Dorsteller
1952 Kid Monk Baroni   Dorsteller
1953 Old Overland Trail   Dorsteller
1958 The Brain Eaters   Dorsteller
1958-60 Sea Hunt, Feernsehepisoden
dt.: Abenteuer unter Wasser
  Dorsteller
1963 The Balcony
dt.: Der Balkon
  Dorsteller
1966 Deathwatch   Dorsteller
Produzent
1966-69 Star Trek
dt.: Raumschiff Enterprise
Herbert Weicker Dorsteller
1971 Assault on the Wayne
dt.: Einsatz im Pazifik
Hannes Gromball Dorsteller
1971 Catlow
dt.: Catlow – Leben ums Verrecken
Gerd Martienzen Dorsteller
1969-71 Mission: Impossible, Feernsehreeg
dt.: Kobra, übernehmen Sie
Klaus Kindler Dorsteller
1973 Baffled!, Feernsehn
dt.: Die tödliche Vision
Herbert Weicker Dorsteller
1973 The Alpha Cape, Feernsehn
dt.: Im letzten Moment
Klaus Kindler Dorsteller
1973-74 Star Trek: The Animated Series, Feernsehreeg, Stimm
dt.: Die Enterprise
Christian Rode Spreker
1978 Invasion of the Body Snatchers
dt.: Die Körperfresser kommen
Herbert Weicker Dorsteller
1979 Star Trek: The Motion Picture
dt.: Star Trek: Der Film
Herbert Weicker Dorsteller
1981 Vincent, Feernsehn   Dorsteller
Schriever
Speelbaas
1982 Star Trek II: The Wrath of Khan
dt.: Star Trek II: Der Zorn des Khan
Herbert Weicker Dorsteller
1984 Star Trek III: The Search for Spock
dt.: Star Trek III: Auf der Suche nach Mr. Spock
Herbert Weicker Dorsteller
Speelbaas
1986 Star Trek IV: The Voyage Home
dt.: Zurück in die Gegenwart – Start Trek IV
Herbert Weicker Dorsteller
Speelbaas
Schriever
1987 3 Men and a Baby
dt.: Noch drei Männer, noch ein Baby
Speelbaas
1988 The Good Mother
dt.: Der Preis der Gefühle
Speelbaas
1989 Star Trek V: The Final Frontier
dt.: Star Trek V: Am Rande des Universums
Herbert Weicker Dorsteller
1990 Funny About Love
dt.: Kein Baby an Bord
Speelbaas
1991 Never Forget, Feernsehn
dt.: Die Schmach des Vergessens
Friedrich Georg Beckhaus Dorsteller
1991 Star Trek VI: The Undiscovered Country
dt.: Star Trek VI: Das unentdeckte Land
Herbert Weicker Dorsteller
Schriever
Produzent
1994 Holy Matrimony
dt.: Holy Days
Speelbaas
1995-96 Deadly Games
dt.: Tödliches Spiel
Produzent
1997 David
dt.: Die Bibel: David
Wolfgang Dehler Dorsteller
1998 The Lost World, Feernsehn   Dorsteller
1998 Brave New World, Feernsehn
dt.: Geklonte Zukunft
  Dorsteller
2001 Atlantis: The Lost Empire, Stimm
dt.: Atlantis – Das Geheimnis der verlorenen Stadt
Hans Teuscher Spreker
2009 Star Trek Norbert Gescher Dorsteller
2009-12 Fringe
dt.: Fringe – Grenzfälle des FBI
Norbert Gescher Dorsteller
2012 Zambezia, Stimm
dt.: Zambezia – In jedem steckt ein kleiner Held
Klaus Sonnenschein Spreker
2013 Star Trek Into Darkness
dt.: Star Trek: Into Darkness
Fred Maire Cameo
 
Dat Ensemble ut de Original Star-Trek-Reeg

UttekenÄnnern

För sien Filmwark weer Nimoy 22 mol för Priesen vörslahn, dorünner veermol för den Primetime Emmy. Uttekent weer he mit acht Priesen:

  • 1985: mit sien Steern op’n Hollywood Walk of Fame in de Kategorie Film
  • 1987: mit den Lifetime Career Award vun de Academy of Science Fiction, Fantasy & Horror Films
  • 1987: mit den ShoWest Award in de Kategorie Speelbaas vun’t Johr
  • 1995: mit den Editor’s Choice Award for Lifetime Achievement vun’t Sci-Fi Universe Magazine
  • 2009: mit den DFCS Award in de Kategorie Best Ensemble för Star Trek
  • 2009: mit den BSFC Award in de Kategorie Best Ensemble för Star Trek
  • 2009: mit den Lifetime Achievement Award vun de Academy of Science Fiction, Fantasy & Horror Films
  • 2010: mit den Saturn-Pries in de Kategorie Beste Gastrull in’t Feernsehn för Fringe

Annere WarkenÄnnern

MusikÄnnern

  • 1967: Leonard Nimoy Presents Mr. Spock’s Music from Outer Space (Dot Records)
  • 1968: The Two Sides of Leonard Nimoy (Dot Records)
  • 1968: The Way I Feel (Dot Records)
  • 1969: The Touch of Leonard Nimoy (Dot Records)
  • 1970: The New World of Leonard Nimoy (Dot Records)
  • 2004: Spaced Out – The Very Best of (mit William Shatner)

Butendem harr he en Optritt as Fohrer in’t Musikvideo to Going Down to Liverpool vun de Bangles.

BökerÄnnern

  • 1973: You & I
  • 1977: I Am Not Spock
  • 1995: I Am Spock (Hoochdüütsch: Ich bin Spock. Heyne Verlag, München 1996, ISBN 3-453-10980-5)
  • 2002: A Lifetime of Love: Poems on the Passages of Life

FotografieÄnnern

  • 1973 – Eerste Galerieutstellen un Publikatschoon v8un “You and I” (Gedichten un Fotografien)
  • 1974 – “Will I Think of You” (Gedichten un Fotografien)
  • 1978 – “Come Be with Me” (Gedichten un Fotografien)
  • 1981 – “These Words Are for You” (Gedichten un Fotografien)
  • 1983 – “Warmed by Love”(Gedichten un Fotografien)
  • 2001 – Uttekent mit den “Artist in Residence” vun de American Academy in Rome
  • 2002 – “Shekhina” (Fotoreeg)
  • 2005 – “Maximum Beauty” (Fotoreeg)
  • 2010 – Emerson Gallery Berlin (MdF)

LiteraturÄnnern

BornsÄnnern

  1. Kevin Williamson: Leonard Nimoy set to retire. Bericht in de Toronto Sun vun’n 19. April 2010.
  2. legacy.com
  3. Leonard Nimoy reveals he has lung disease. Bericht bi BBC News vun’n 6. Februar 2014.
  4. Leonard Nimoy, Spock of ‘Star Trek,’ Dies at 83 vun Virginia Heffernan, New York Times vun’n 27. Februar 2015

WeblenkenÄnnern