Norbert Gescher
Norbert Gescher (* 14. Dezember 1938 in Berlin) is en düütsch Schauspeler, Rezitater un Synchroonsnacker.
Bühne, Film und Fernsehen
ännernDe Söhn vun de Ringelnatz-Wittfru Leonharda „Muschelkalk“ Ringelnatz-Gescher un vun de Homöopathen un Ringelnatz-Früend Dr. Julius Gescher hett eerst en klassisch Schauspeelutbillen maakt un dornah as Theaterschauspeler an tallriek Bühnen, ünner annern in Berlin, arbeit.
Selten sücht man hüm in’ Film oder in’t Feernsehn. Mitspeelt hett he in de Faamilienserie Peter ist der Boss (mit Joachim Nottke un Edeltraut Elsner) un in den Pilotfilm to de RTL-Actionserie Alarm für Cobra 11 – Die Autobahnpolizei.
Höörspeel un Synchronisatschoon
ännernNorbert Gescher is aber allgemeen bekannt dör sien inpräägsom Stimm. He hett bi tallriek Hörspeel- un Rundfunkproduktschonen mitwarkt, as bi „Jan Tenner“, „Professor Van Dusen“ un „Benjamin Blümchen“.
Siet 1969 arbeit he todem umfangriek in de Synchronisatschoon un hett in över 700 Film- un Fernsehproduktschonen sien Stimm internatschonal bekannt Schauspeelkollegen lehnt, as
- Steve Martin (in tallriek Filmen, ünner annern HouseSitter, The Little Shop of Horrors un Planes, Trains & Automobiles)
Richard Dreyfuss (düütsch Standardspreker, ünner annern in Jaws), Down and Out in Beverly Hills un Close Encounters of the Third Kind)
- Beau Bridges (ünner annern: The Fabulous Baker Boys un Jerry Maguire as ok in de Feernsehreegen The Agency, Stargate SG-1 un My Name Is Earl)
- Jeff Goldblum (ünner annern Silverado und Into the Night)
- James Belushi (Jumpin’ Jack Flash)
- Jim Broadbent (Brazil)
- Horst Buchholz (The Savage Bees)
- Richard Chamberlain (The Last Wave)
- Chevy Chase (ünner annern Spies Like Us und L.A. Story)
- Charles Dance (ünner annern Last Action Hero)
- Harvey Keitel (Welcome to L.A.)
- Michael Palin (Monty Python and the Holy Grail)
- Pete Postlethwaite (Dragonheart)
- Robert Wagner (ünner annern Around The World In 80 Days)
- Christopher Walken (ünner annern. Batman Returns)
- Mitch Pileggi as FBI-Direkter Skinner in de de Feernsehreeg The X-Files
- Leonard Nimoy (as Spock in verscheeden Star Trek-DVD-Nahsynchroos as ok as Dr. William Bell in Fringe)
- Silas Carson als Ki-Adi-Mundi in Star Wars
- Jeffrey Jones (Ferris Bueller’s Day Off)
- James Best as Sheriff P. Coltraine in The Dukes of Hazzard
Doröver herut hett he Hazel, de Hööftfigur in Richard Adams sien phantastisch Hasen-Saga Watership Down un „Mr. Spock“ (Leonard Nimoy) in The Cage, den oorsprünglichen Pilotfilm von Star Trek synchroniseert.
Gescher un Ringelnatz
ännernÖver sien Moder „Muschelkalk“ keem Norbert Gescher fröh mit dat literarisch Wark vun hör eersten Mann, den Dichter Joachim Ringelnatz, in Kuntakt, de sien literarisch Arv he bit hüüd verwalten deiht. Dorbi is hüm doran gelegen, ok de sensible Siet vun den Dichter in Erinnerung to hollen, worto he bitlang tallriek Lesungen un Rezitatschoonsavende hollen hett.
Buterdem verwohrt he dat bildkünstlerische Wark vun Ringelnatz, de siet den 1920er Johren as Kunstmaler en groot Antall vun Öölgemälden, Aquarellen un Teknungen maakt hatt, de as Lehngaav vun Gescher ünner annern in de Galerie Nierendorf in Berlin utstellt wurrn. Todem is Gescher Liddmaat vun den Stiftensraat vun de Ringelnatz-Stiften un hett ünner den Titel Es wippt eine Lampe durch die Nacht en Utwahlband mit Teknungen un Gedichten vun Ringelnatz herutgeven.
Filmografie (Utwahl)
ännern| Johr | Titel |
|---|---|
| 1966 | Robin Hood, der edle Räuber, Feernsehn |
| 1972 | Aguirre, der Zorn Gottes |