Levente Lengyel
Levente Lengyel (* 13. Juni 1933 in Debrecen; † 18. August 2014 in Budapest[1]) weer en ungaarsch Schachmeester.
Leven ännern
Levente Lengyel truck 1949 nah Budapest, speel eerst för Budapesti Építők, af 1955 denn johrteintenlang för de fievfacken ungaarschen Mannschapsmeester (1967, 1975, 1976, 1979 un 1984)[2] MTK Budapest FC. In disse Mannschap hett he tosommen mit Lajos Portisch, László Szabó, István Bilek, András Adorján un later mit de Polgár-Süsters speelt. Nah de Uplöösen vun de Schachafdeelen vun MTK speel he för Hajdúböszörményi Sakkozók Egyesülete (bit 2001 regelmatig, dornah blots noch af un to) un keem bit to de Saison 2002/03 in de hööchsten ungaarsch Speelklass, de NB I. Szabó László csoport, to'n Insatz.
In de Johren 1960 bit 1970 speel Lengyel sössmal för Ungarn bi Schacholympiaden.[3] In Havanna 1966 hett Ungarn mit hüm Bronze un in Siegen 1970 Sülver wunnen. 1962 reck he dat dartbeste Ergevnis an sien Brett. Sien Bilanz bi de söss Schacholympiaden luut: 25 Siege, 32 Remispartien un 13 Nedderlagen. He weer as Schachfunktschonär bi wiedere dree Schacholympiaden dorbi, so ok bi de Schacholympiade 1980 in Valletta, wo blots de Buchholz-Wertung togunsten vun de Sowjetunion un gegen Ungarn entscheeden dee.
1964 kreeg he vun de FIDE den Titel Grootmeester.[4] 1968 kunn he dat Turnier in Solingen för sück entscheeden.
Lengyel hett in sien Schachloopbahn twee Partien gegen Weltmeister (Michail Botwinnik un Michail Tal) wunnen. He weer ok as Trainer, ünner annern för de Polgár-Süsters, un Schachpublizist tätig.
Lengyels letzte Elo-Tall bedroog 2293, he wurr to den Tietpunkt aber all as inaktiv führt, wiel he nah de ungaarsch Mannschapsmeesterschap 2008/09 kien Wertungspartie mehr speelt harr. Sien Elo-Tall van 2485 harr he in' Juli 1971. Vör Inführen vun de Elo-Tall weer sien beste historsch Elo-Tall 2628 in' Dezember 1964.
Enkeld Nahwiesen ännern
- ↑ http://chess.hu/blog/lengyel-levente-1933-2014/ |title= Lengyel Levente (1933–2014)vun Gyula Fehér, van 19. August 2014; Magyar Sakkszövetség (ungaarsch)
- ↑ List vun natschonalen Mannschapsmeester bi olimpbase.org (engelsch)
- ↑ MEN'S CHESS OLYMPIADS - Lengyel, Levente (Hungary) up OlimpBase (engelsch)
- ↑ Willy Iclicki: FIDE Golden book 1924-2002. Euroadria, Slovenia, 2002, S. 75