Limenitis lorquini

Limenitis lorquini is en Bottervagel (Dagfalter) ut de Familie de Eddelfalter (Nymphalidae). Dat Oort-Epitheton ehrt den franzööschen Entomoloog Pierre Joseph Michel Lorquin.

Limenitis lorquini
(Limenitis lorquini)
Systematik
Klass	Insekten (Insecta)
Ornen	Bottervagels (Lepidoptera)
Familie	Eddelfalters (Nymphalidae)
Ünnerfamilie	Iesvagels (Bottervagels) (Nymphalinae)
Geslecht	Limenitis
Oort	Limenitis lorquini
Wetenschopplich Naam
Limenitis lorquini
(Boisduval, 1852)

Flögelünnersiet vun Limenitis lorquini

Markmalen

Falter

De Falter recken en Flögelspannwiet vun 51 bit 67 Millimeter. De Grundfarv vun de Flögelböversiet vun all Flögels is swaart un vun en breet witt Querband dörtrucken, dat blots dör swaart Adern ünnerbraaken is. En witt Diskalfleck is swaaker utbildt. Oorttypisch is en länglich orangebruun Fleck dicht an den Apex vun de Vörderflögl. De Flögelünnersiet wiest en rootbruun Grundfarv mit ähnlich witt Tekenelementen as de Böversiet.

Ei

De Eier sünd blass gröön farvt, schimmern licht sülvern un wurrn eenzeln an de Ünnersiet vun de Nehrensplant afleggt.

Ruup

Utwussen Rupen hemm en afwesseln bruunelk un wittelk Farv. De Kopp is bruun un drocht twee lütt, dunkel, zackte Höörns. In de Midden vun den Abdomen befind sück en saddelförmig Utbuchten. In dat Gesamtutsehn stellen se en Vagelschiet-Mimese dor.

Pupp

De saddelförmig Utbuchten vun de Ruup is bi de Pupp düchtig düütlich höckeroordig utbildt. De Grundfarv is wittgrau. Flögelscheeden un Höcker sünd dunkler graubruun.

Verbreeden un Levensruum

Limenitis lorquini kummt in de westlich Bundsstaaten vun USA as ok den westlichen Provinzen vun Kanada vör un besiedelt hööftsächlich Barg- und Stroomdaalen, Lichtungen, Waldränder as ok Aaftgoordens.

Levenswies

De Oort bild in de nördlich Regionen en Generatschoon in een Johr, deren Falter vun Juni bit August fleegen. In Kalifornien wurrn mehrere Generatschonen bild, de vun April bit Oktober fleegen. De Falter suugen to de Upnahm vun Nehren an Blööten, af un an ok an Exkrementen. De Ruupen nehren sück vun de Blööt vun verscheeden Planten, dorto tellen Prunus-, Wilgen- (Salix), un Pappeloorten (Populus). De jewiels letzte Generatschoon överwintert half utwussen in en Hibernarium.

Belege

Literatur

• James A. Scott: The Butterflies of North America. Stanford University Press, Stanford, Kalifornien 1986, ISBN 0-8047-1205-0

Weblenken

Limenitis lorquini. Mehr Biller, Videos oder Audiodateien to’t Thema gifft dat bi Wikimedia Commons.