Lothar Blumhagen

Lothar Blumhagen (* 16. Juli 1927 in Leipzig; † 10. Januar 2023 in Berlin) weer en düütsch Schauspeler un Synchroonsnacker.

Leven

Lothar Blumhagen hett sein Schauspeelutbilden an de School Smolny-Heerdt in Leipzig absolveert un hett dor ok de Hoochschool för Musik besöcht. Sien Böhnendebüt geev he 1947 ok in Leipzig – in dat Literarisch Kabarett Die Rampe. Dornah keemen Böhnenengagements in Leipzig, Halle un Berlin.

Van 1954 bit 1956 hörr Blumhagen to dat Ensemble vun dat Düütsch Theater Berlin in de Oostdeel vun de Stadt. In disse Tiet harr he ok sien Filmdebüt (Hexen, 1954) un kreeg noch mehr Filmrullen in Produktschoonen vun de DEFA (u. a. Sommerliebe, 1955). 1956 is he in de Westdeel vun de Stadt översiedelt, wo he denn langjohrig Engagements an’t Schlossparktheater un Schillertheater kregen hett un ok an de Oor-Upföhrung vun Peter Weiss’ Verfolgung und Ermordung Jean-Paul Marats mitmaakt hett. För sien Verdeensten um de Böhn is he nahst to’n Berliner Staatschauspeler ernennt wurrn.

Neben sein Böhnentätigkeit weer Blumhagen nah sien DEFA-Engagements blots noch selten in Film- und Feernsehproduktschoonen zu sehn, u. a. in de semi-dokumentarisch Films Zeugin der Zeit – Käthe Kollwitz (1985) un de BRD-DDR-Koproduktschoon Caspar David Friedrich (1986) as ok in Seriengastrullen as 1990 in een Episode vun Hotel Paradies.

Besünners bekannt wurrn is Lothar Blumhagen aber dör sien Stimm. 1950 fung he all as Höörfunkspreker bi de Sender Leipzig an. Denn keemen eersten Synchroonrullen bi de DEFA. För sien Synchroonisatschoon vun Gérard Philipe Rot und Schwarz kreeg he 1956 todem den Heinrich-Greif-Pries Tweete Klass vun de DDR. In West-Berlin hett he dat wieder maakt un wurr een vun de nafragst un beliebtest Synchroonsnackers in de Bundsrepubliek mit Rullen in över 600 Filmen.

Sien kloor Stimm un sien distinguierte Spreekwies prädestineert hüm dorbi faken för Rullen mit sülvstironisch britsch Understatemant, so as för Roger Moore in de Rull vun Lord Brett Sinclair in de düütsch Faaten vun de Krimiserie Die Zwei oder as Higgins (John Hillerman) in de tweete Synchroonfaaten vun de Krimiserie Magnum. Anner beröhmt Schauspeler, de Blumhagen sien Stimm lehnt hett, weern u. a. Michael Caine (Das vergessene Tal), John Cleese (Silverado), Gary Cooper (Wirbelwind der Liebe), Tony Curtis (u. a. Hercule Poirot – Tödliche Parties), Kirk Douglas (Kennwort: Schweres Wasser), Henry Fonda (Zu spät für Heldentum), Peter O’Toole (Die Bibel), Alan Rickman (Galaxy Quest), Andreas Katsulas (Babylon 5), Edward G. Robinson (Ein Mann mit Phantasie) un Kenneth Williams (Carry on Matron un Carry on Doctor again).

Filmografie (Utwahl)

Johr	Titel
1954	Hexen
1955	Sommerliebe
1964	Zweierlei Maß, Feernsehn
1966	Die schwarze Hand, Feernsehn
1968	Unwiederbringlich, Feernsehn
1975	Frau von Bebenburg, Feernsehn
1984	Die Schwärmer
1986	Caspar David Friedrich – Grenzen der Zeit

Weblenken

• Lothar Blumhagen in de Internet Movie Database (engelsch)
• Lothar Blumhagen in de Düütschen Synchroonkartei
• Foto
• Höörproov