Mackenthun (Oort)
Mackenthun (hoochdüütsch Mackenthun) weer en lütt Dörp in de Lümbörger Heid, dat afrüümt worrn is, as 1936 de Truppenövungsplatz Bargen anleggt worrn is. Dat Rebeed höört vondaag to’n gemeenfre’en Bezirk Oosterheid in’n Landkreis Heidkreis, Neddersassen.
Geografie
ännernDe Oort leeg in de Lümbörger Heid. Dat Water ut dat Rebeed flütt över’n Fischendörper Beek af.
De Naveröörd weren vör allen enkelte Heidhööv oder lüttje Gruppen von Hööv: Grefel in’n Noordoosten, Lütt Bokel in’n Oosten, Achterbarg in’n Oosten, Wittenbarg un Wehrhoff in’n Süden, Kohrshoff un Dammannshoff in’n Süüdwesten, Meyershoff un Thomashoff in’n Westen un Feldmannshoff un Neenwisch in’n Noordwesten.
Historie
ännern2004 hett de Heimaatvereen Kaspel Dörpmark an de Steed von dat ole Dörp en Gedenksteen opstellt.
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Buurschop Einzingen in’n Kanton Visselhöövd höört. To’n 1. Januar 1811 is de Kanton oplööst worrn un to’n groten Deel an dat Franzöösche Kaiserriek ünner Napoleon fullen. Mackenthun is aver bi Westfalen bleven weer denn von 1811 bet 1814 Deel von de Mairie Dörpmark in’n Kanton Fambossel.
De Oort hett vör 1852 to de Vaagdie Dörpmark von de Amtsvaagdie Fambossel-Soltau tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel.
De Oort hett fröher to de Buurschop un later Gemeen Över-Einzingen tohöört.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1824[2] | 2 Füürsteden |
| 1848[3] | 41 Lüüd, 5 Hüüs |
| 1. Dezember 1871[4] | 31 Lüüd, 5 Hüüs |
| 1. Dezember 1885[5] | 53 Lüüd, 10 Hüüs |
| 1. Dezember 1905[6] | 79 Lüüd, 13 Hüüs |
Religion
ännernMackenthun weer evangeelsch-luthersch präägt un hett to dat Kaspel von de Martinskark in Dörpmark höört.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 148
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 392
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 110
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 90
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 98
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 48
Koordinaten:52° 52′ N, 9° 48′ O