Magali Marin-Young
Magali Marin-Young (* 18. November 1971 in Belize-Stadt[1]) is en Avkatin un Politikerin (PUP) ut Belize.
Marin is 1971 as Dochter von Florencio Marin Sr. in Belize-Stadt boren. Florencio Marin Jr. is ehr Broder.
Marin hett 1992 an de Universität von Oklahoma en Bachelor of Arts in Politikwetenschoppen un Soziologie maakt un tosätzlich 1995 an de University of the West Indies in Cave Hill (Barbados) en Bachelor of Law un 1997 an de Norman Manley Law School in Kingston (Jamaika) dat Legal Education Certificate.[1] Se is 1997 as Avkatin in Belize tolaten worrn un praktizeert siet 2008 in de Kanzlie Magali Marin Young & Co. in Belize-Stadt. Vörher weer se von 1997 bet 2008 in de Kanzlie Barrow & Williams.
Marin-Young is na de Parlamentswahl in Belize 2008 in’n März 2008 för de Oppositschoonspartei PUP as Maat von’n Senaat von Belize beropen worrn. Von wegen de verloren Wahl hett de Partei sik aver kort later nee opstellt, so dat de PUP al an’n 29. April 2008 ehr dree Maten in’n Senaat utwesselt hett un Marin-Young ehr Mandaat wedder afgeven müss.
An’n 1. Mai 2018 is se för fiev Johr as Maat von de Elections and Boundaries Commission beropen worrn.
Nadem bi de Parlamentswahl in Belize 2020 de PUP ünner Premierminister Johnny Briceño de Regeren övernahmen hett, is Marin-Young von Briceño as Generaalstaatsanwältin beropen un an’n 16. November 2020 in ehr Amt insworen worrn.
Footnoten ännern
1981–1984: Said Musa | 1984: Vernon Harrison Courtenay | 1984–1986: Hubert Elrington | 1986–1989: Dean Barrow | 1989–1993: Glenn Godfrey | 1993–1998: Dean Barrow | 1998–1999: Richard Bradley | 1999–2003: Godfrey Smith | 2003–2004: Eamon Courtenay | 2004–2008: Francis Fonseca | 2008–2010: Wilfred Elrington | 2010–2012: Bernard Q. Pitts | 2012–2015: Wilfred Elrington | 2015–2017: Vanessa Retreage | 2017–2020: Michael Peyrefitte | 2020–: Magali Marin-Young