Maggie MacNeal
Maggie MacNeal (börgerlich: Sjoukje Lucie van’t Spijker; * 5. Mai 1950 in Tilburg, Nedderlannen) is en Singersche, de sünners as Liddmaat vun’t Duo Mouth & MacNeal bekannt worrn is.
De Singersche harr Spood mit ehr Leed I Heard It Through The Grapevine un hett dorna 1971 tohopen mit den Singer Willem Duyn dat Musikduo Mouth & MacNeal grünnt. Tosamen harrn se en poor Leder in de internatschonalen Hitparaden as to’n Bispeel de Hits How Do You Do? un Hello-A. In’t Johr 1974 hebbt de beiden as Vertreders vun de Nedderlannen dat Leed I See A Star bi’n Grand Prix Eurovision Song Contest vördragen un dormit den drüdden Platz maakt.
Kort dorna güng dat Duo aver ut’neen un MacNeal hett denn as Solistin wieterarbeit. In ehr Heimat harr se Spood mit de Titels Terug Naar De Kust un When You’re Gone. Internatschonal hett se noch mol Acht op sik togen, as se 1980 mit dat Leed Amsterdem bi’n Grand Prix den föfften Platz belegt hett. Dorna is dat ruhiger worrn üm Maggie MacNeal. In’t Johr 2000 hett se sik mit Marga Bult un Sandra Reemer to to Musikgrupp Dutch Rivas tohopenslaten, dat opstunns aver blots noch as Duo ünnerwegens is, nadem Reemer utscheedt is.
Diskografie (Solo-Alben)
ännern- 1976: Maggie MacNeal
- 1977: Fools Together
- 1979: Nighttime
- 1980: Amsterdam
- 1981: When You’re Gone
- 1989: Leuk Voor Later
Websteed
ännern- offiziell Websteed (ndl.)