Willem Duyn

Willem Duyn (* 31. März 1937 in Haarlem, Noord-Holland; † 3. Dezember 2004 in de Neeg vun Almelo (Nedderlannen)) weer en nedderlännsch Singer un Musiker.

Duyn hett siek Karriere as Slagtüüchspeler in de Grupp „Holland Quartett“ anfungen. Dorna weer he Singer bi de Jay-Jays, is denn Diskjockey worrn un hett 1970 de Musikgrupp Speedway grünnt. 1971 bill he tosamen mit sien Partnersche Sjoukje van’t Spijker, de sik to Maggie MacNeal (*1950) nöömt hett, dat Musikduo Mouth & MacNeal, mit dat he en poor spoodrieke Leder maakt hett. An’n bekanntesten sünd de Titels How Do You Do? (1972), Hello-A (1972) un I See A Star (1974).

Mit de hollännsch Version vun dat letzte Leed („Ik zie een ster“) hebbt se de Nedderlannen op’t Europääsch Songfestival vertreden un kemen dor achter ABBA un Gigliola Cinquetti op’n drütten Platz. Mit de düütsche Faten vun’t Leed „Ein gold’ner Stern“ hebbt se 1974 ok in Düütschland en Slager hatt. Man, as de Spood gau nalaten hett, is dat Duo kort later ut’neen gahn.

In de 1990er Johren is Willem Duyn noch mit verscheden Rockgruppen ünnerwegens wesen, is denn aver in de letzten Johren vör allen in Cafes un Bars ünner Verdrag nahmen worrn. He is an’n 3. Dezember 2004 dood bleven vun wegen en Hartstillstand.

He hett in Emmen-Roswinkel in de Provinz Drenthe leevt.