Marcellus II.

Marcellus II. (* 6. Mai 1501 in Montefano (Marken); † 1. Mai 1555 in Rom), Gebortsnaam Marcello Cervini, weer van 9. April bit 1. Mai 1555 Paapst vun de kathoolsch Kark. In Erinnerung bleev de Paapst vör allen wegen de hüm vun Giovanni Pierluigi da Palestrina widmet Kompositschoon Missa Papae Marcelli („Messe för Paapst Marcello“).

Herkunft

Marcello Cervini stamm ut de Toskana. Sien Vader weer Ricardo Cervini. Marcello Cervini studeer Altertumskunde, Architektuur, Astronomie un Mathematik in Siena.

Klerikale Karriere

An 19. Dezember 1539 hett hüm Paapst Paul III. to’n Kardinal ernannt. Sien Titelkark weer Santa Croce in Gerusalemme. Kört dorför weer he Bischop vun Nicastro un Liddmaat vun de Inquisition wurrn. Siet 1545 nehm he an mehreren Sitzungen vun den Konzil vun Trient deel.

In dat Johr 1548 wurr he Kardinalbibliothekar (Bibliothecae Apostolicae Vaticanae Protector) vun de Vatikaansch Bibliothek. Ünner hüm beleev de vatikaansch Bibliothek en lütt Blüte, denn he hett den Bestand över 500 wertvolle Böker hentofügt. Buterdem leet he nee Bibliothekskataloge in latiensch un greeksch maken.

Pontifikat

An‘ 9. April 1555 hett hüm dat Konklave nah veer Wahldaag to’n neen Paapst as Nahfolger vun Julius III. wählt. Marcellus II. weer bitlang de letzte Paapst, de sien Gebortsnaam as Paapstnaam nommen hett. In dat Altertum weer dat tonächst ümgekehrt, dat blots de Paapsten sück nee Paapstnaams toleggen deen, deren zivil Naams to heidnisch klungen.

In sien kört Pontifikat hett he 19 Kardinäle ernannt, vun de dree mit hüm verwandt weern, nämlich Carlo Carafa, Diomede Carafa un Alfondo Carafa. Sien Inthronisation in St. Peter funn in en unspektakulären un togliek doch beindruckend Rahmen statt. Dat weer de Grööndönnerdag 1555, as de nee Paapst nah Vertellen twalf arm Lüüd ut Rom de Fööt wuschen hett un sück ansluutend in en schlicht Zeremonie mit de Tiara kröönen leet.

Wappen vun Marcellus II.

Wappen

Dat Original wiest dat Lamm Gottes mit anwinkelt rechten Vörderloop nah links kiekend vör negen Getreideähren. Dat befind sück dreedimensional in Steen gauen an‘ Palazzo Cervini.

Marcellus Wappen wies all in de eerst Johrteinten nah sien Pontifikat markwürdig Varianten up. De Antall vun de Ähren schwankt tüschen veer un negen, mal kiekt dat Lamm Gottes nah rechts un mal ist dat sogar en Hirsch mit Geweih.

Dood

Papst Marcellus II. nah en Pontifikat vun blots 22 Daag storven. As Doodsoorsaak wurrd hüüd en Nierenverseggen annommen, wiel de Paaps en swoor Nierenleeden harr. He wurr in St. Peter bisett. Up sien Graffsteen staht de Wöör vun den Dichter Faustus Sabaeus (in düütsch översett):

„Nicht bist du bestattet, wie es geziemt deiner Würde
Und ein anderer Grabstein gebühret dir, o Marcellus,
Doch wo immer du liegst, geehrt wirst immer du werden,
Nicht das Grab ehrt die Asche – die Asche ehrt das Grab“

Weblenken

Marcellus II.. Mehr Biller, Videos oder Audiodateien to’t Thema gifft dat bi Wikimedia Commons.

Vörgänger	Amt	Nafolger
Julius III.	Paapst 255	Paul IV.