Maria Angelita Ressa (* 2. Oktober 1963 in Manila) is en philippiensch Journalistin un Schrieverin. Se is Mitbegrünnerin, Geschäftsführerin un Chefredakteurin vun dat Online-Nahrichtenportal Rappler un weer meest twee Johrteihnten lang as leiten Investigativreporterin för CNN International in Südostasien tätig. 2021 wurr hör de Freedensnobelpries tospraaken.

Maria Ressa, 2011

Leven ännern

Maria Ressa wurr up de Philippinen boren un is Manila upwussen. As se negen Johr olt weer, trucken hör Öllern mit hör nah Toms River (New Jersey, USA), wo Ressa 1982 hör High-School-Afsluss maken dee.[1]

Dornah studeer se Biologie un Engelsch Spraak an de Princeton-Universität (New Jersey, USA, wo sie cum laude mit en Bachelor in Engelsch afsluuten dee. In’n Ansluss doran kehr se mit en Fulbright-Stipendium för politisches Theater nah Manila torüch un hett en Masterstudium an de Universität vun den Philippinen Diliman maakt. In disse Tiet hett se sück all den Journalismus towennd.[2][3]

Hör eerst Anstellung 1987 kreeg se bi de Nahrichtensenner CNN International. Van 1988 bit 1995 hett se dat CNN-Büro in Manila (Philippinen) leit un van 1995 bit 2005 dat CNN-Büro in Jakarta (Indonesien). As leidend Investigativreporterin vun CNN in Asien hett se sück up dat Ünnersöken vun terroristisch Nettwarken spezialiseert.

 
Ressa in 2010

Van 2004 bit 2010 hett Ressa de Afdeelen Aktuelles vun de philippiensch TV- un Online-Networks ABS-CBN leit, hett aber wiederhen för CNN arbeit[4] und The Wall Street Journal.[5] In en apen Breef van’n 11. Oktober 2010 hett Ressa ankünnigt, hör Sössjohresverdrag mit ABS-CBN nich to verlängern.[6] Se is denn to dat Internatschonale Forschungszentrum för Politische Gewalt un Terrorismus (ICPVTR) vun dat S. Rajaratnam Institut för Internatschonale Studien an de Nanyang Technological University in Singapur as Writer in Residence wesselt.

2012 hett Ressa gemeensam mit Kollegen dat Online-Nahrichtenportal Rappler grünnd, dat all 2011 as en Social-Media-Nahrichtenkanal up den Weg brocht wurrn weer.

Ressa hett twee Böker över den Upstieg vun den Terrorismus in Südostasien schreeven, 2003 Seeds of Terror: An Eyewitness Account of Al-Qaeda's Newest Center un 2013 From Bin Laden to Facebook 10 Days of Abduction, 10 Years of Terrorism blots in Engelsch.

Kamp um Pressefreeheit ännern

Rappler un sien Geschäftsführerin Maria Ressa keemen wegen hör Berichterstattung över den philippienschen Präsidenten Rodrigo Duterte ünner Druck, insbesünnere, wiel se kritisch över den „Krieg gegen Drogen“ un Duterte sien Uproopto Sülvstjustiz dör Börgerwehren un Polizei bericht harrn.[7]

An‘n 22. Januar 2018 muss Maria Ressa as Geschäftsführerin vun Rappler vör dat National Bureau of Investigation (NBI) antreeden, um de Vörladen wegen en Online-Verleumdungsklaag nahtokommen, de gegen Ressa, den ehmaligen Rappler-Reporter Reynaldo Santos un den Geschäftsmann Benjamin Bitanga richt wurrn weer. De Anzeig gegen Ressa un hör Mitstrieder weer vun den Geschäftsmann Wilfredo Keng beandragt wurrn, nahdem dat Webportal Rappler en Artikel över hüm schreeven harr.

In‘n November 2018 hemm de philippiensch Behörden ankünnigt, dat se Ressa un de Modersellschopp vun Rappler, de Rappler Holdings Corporation, wegen Achtertrecken vun Stüürn un Nichvörlaag vun Stüürerklärungen anklaagen würr. Sowohl Ressa as ok Rappler hemm Fehlverhollen oder Stüürnachtertrecken afstreeden.

„Dieses ist eine klare Form der anhaltenden Einschüchterung und Schikanierung gegen uns, und ein Versuch, Journalisten zum Schweigen zu bringen“, hett Rappler in en Erklärung seggt, nahdem de Regeeren Duterte de Vorwürfe Anfang November 2018 gegen dat Newsportal un sien Geschäftsführerin Ressa erhaben harr.[8] An’n 15. Juni 2020 wurr Ressa de Verleumdung för schuldig befunnen, dat Straafmaat steiht noch ut. De Minschenrechtsorganisatschon Human Rights Watch hett dat Oordeel as „Frontalangriff auf die Pressefreiheit“ kritiseert.[9]

Ehrungen un Utteknungen ännern

För hör journalistisch Arbeit wurr Maria Ressa mit verscheeden Utteknungen ehrt; ünner annern mit den Overseas Press Club Award för de Beste Dokumentatschoon, dem National Headliner Award för Investigativjournalismus, en Emmy-Nomineeren för hervörragende Investigatschoon, den Asian Television Award TOWNS – Ten Outstanding Women in the Nation's Service (Philippinen) un TOYM.

2010 hett dat US-amerikaansch Männermagazin Esquire Ressa to de „sexiest Fru up den Philippinen“ mit de Begrünnen wählt: „Trotz hör Grött ahn Bang noog, um en Oogentüügenbericht över Al-Qaida to schrieven.“[10]

2015 hett hör de Philippine Movie Press Club bi den 29. PMPC Star Awards for Television Maria Ressa de Utteknung Excellence in Broadcasting Lifetime Achievement verleeht.[11]

2016 wurr se vun Kalibrr, en indoneesch Arbeitskräfteplattform, as „en vun de achte inflootrieksten un mächtigsten Fruen vun de Philippinen“ upführt.[12]

In‘n November 2017 nehm Ressa al Geschäftsführerin vun de Nahrichtenorganisatschoon Rappler den Demokratiepries 2017 vun dat National Democratic Institute (NDI), en gemeennützig Organisatschoon to Ünnerstütten vun demokraatsch Deelhemm weltwiet, entgegen, de an dre Organisatschonen to dat Thema „Desinformatschoon vs. Demokratie: Kämpfen um Fakten“ vergeven wurr.[13]

In‘n Juni 2018 kreeg Ressa ok den Golden Pen of Freedom Award vun den Weltverbandes vun de Zeitungen för hör Arbeit mit Rappler.[14] 2018 wurr hör buterdem vun’n CPJ, dat Komitee to de Schuul vun Journalisten, de Gwen-Ifill-Pries för Pressefreeheit verleeht.[15]

In‘n Dezember 2018 wurr se vun dat US-Magazin Time as Person vun dat Johr 2018 un Wächter in‘n „Krieg gegen de Wohrheit“ ehrt.[16]

In‘n November 2020 wurr Ressa för hör Wedderstand gegen Beschränkungen vun dat free Woort vun de sweedsch Sektschoon vun P.E.N. mit den Tucholsky-Pries ehrt.[17]

In‘n Oktober 2021 wurr Ressa gemeensam mit den russischen Journalisten Dmitri Muratow de Freedensnobelpries tospraaken. Beid kreegen de Utteknungen „för hör Bemöhen um de Wohren vun de Meenungsfreeheit, de en Vörutsetten för Demokratie un düersamen Freeden is“.[18]

Böker ännern

  • Seeds of Terror: An Eyewitness Account of Al-Qaeda’s Newest Center of Operations in Southeast Asia. The Free Press, New York 2003, 272 Sieden, ISBN 978-0-7432-5133-4.
  • From Bin Laden To Facebook: 10 Days Of Abduction, 10 Years Of Terrorism. Imperial College Press, London 2013, 308 Sieden, ISBN 978-1-908979-53-7.

Weblinks ännern

  Maria Ressa. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Amanda Oglesby: TIME person of the year, from Toms River, to trigger Time Square ball dro. Ashbury Park Press, 31. Dezember 2018
  2. Tanya T. Lara: Maria Ressa: Writing from the war zones. Philstar, 21. Dezember 2003
  3. Almond N. Aguila: Maria Ressa: The best is yet to come. Philstar, 4. September 2005
  4. Spreading terror: From bin Laden to Facebook in Southeast Asia. Afropen an’n 26. Januar 2019 (engelsch).
  5. Maria A. Ressa: Noynoy Flunks His First Test. In: Wall Street Journal. 6. September 2010, S. en (wsj.com [afropen an’n 26. Januar 2019]).
  6. ABS-CBN News: Maria Ressa's letter to ABS-CBN News and Current Affairs. Afropen an’n 26. Januar 2019.
  7. Arne Perras: Maria Ressa – Die philippinische Journalistin wird zur Gegenspielerin des Autokraten Duterte. Süddeutsche Zeitung, 5. Dezember 2018, afropen an’n 1. Februar 2019 (de-DE).
  8. Joshua Berlinger: Maria Ressa, Rappler formally indicted by the Philippines on tax evasion charges. CNN, 29. November 2018, afropen an’n 1. Februar 2019 (engelsch).
  9. Philippinische Journalistin Maria Ressa verurteilt, Spiegel Online, 15. Juni 2020.
  10. Esquire.com names Maria Ressa one of the sexiest women alive in the world, sexiest in the Philippines. 14. Oktober 2010, afropen an’n 26. Januar 2019 (engelsch).
  11. ABS-CBN dominates 29th PMPC Star Awards for TV | ABS-CBN News. Afropen an’n 26. Januar 2019.
  12. 8 Most Influential and Powerful Women Leaders. Afropen an’n 26. Januar 2019 (engelsch).
  13. 2017 Democracy Dinner Explores the Global Threat of Disinformation. 2. November 2017, afropen an’n 26. Januar 2019 (engelsch).
  14. 2018 Golden Pen of Freedom Awarded to Maria Ressa of the Philippines - World News Publishing Focus by WAN-IFRA. Afropen an’n 26. Januar 2019.
  15. 2018 Gwen Ifill Press Freedom Award. CPJ, afropen an’n 1. Februar 2019 (engelsch).
  16. Deutsche Welle: "Time Magazine" würdigt Journalisten als "Person des Jahres" | DW | 11.12.2018. 11. Dezember 2018, afropen an’n 26. Januar 2019 (de-DE).
  17. Svenska PEN: "Maria A Ressa får årets Tucholskypris". 9. November 2020, afropen an’n 10. November 2020 (schwedisch).
  18. The Nobel Peace Prize 2021. In: nobelprize.org, 8. Oktober 2021 (afropen an’n 8. Oktober 2021).