Marion Wiesensarter
Marion Deigentesch (* 8. Januar 1995 in Traunstein nah hör Heirat Marion Wiesensarter) is en düütsch Biathletin.
Loopbahn
ännernMarion Deigentesch stammt ut de Gemeend Surberg in‘n Landkreis Traunstein in Oberbayern. As Liddmaat vun den SV Oberteisendorf fung se 2004 mit Skilangloop an un wessel 2008 to’n Biathlon. 2011 wurr se all in den Natschonalkader upnommen. 2013 wurr se aber krank Pfeiffer-Drüsenfieber, wat hör wiet torüchsmieten dee. De Zollbeamtin ist 1,62 m groot.
In‘n Winter2016/17 kehr se nah dree Johren Paus torüch in den IBU-Cup un reck in all Rennen de Punkteränge. Dorto keemen in de Folgetiet ok noch düütsch Meesterschapen mit de Staffel.
In de Saison 2019/20 hett Marion Deigentesch vun Anfang all Rennen in den IBU-Cup bestreeden. Bi den Sprint un bi den Massenstart in Ridnaun keem se mit Platz 7 bzw. 5 in twee Rennen nahnanner in de Top 10. Nah historsch schlecht Rennen vun de Weltcupmannschap wurrn Deigentesch, Maren Hammerschmidt un Janina Hettich för de Weltcuprennen in Annecy/Le Grand-Bornand nomineert, um de in den IBU-Cup versetten oder pauseerend Athletinnen Karolin Horchler, Anna Weidel un Franziska Hildebrand to ersetten. Hör eerst Weltcuprennen hett se an’n 20. Dezember 2019 bestreeden. Bi den Sprint in Frankriek keem se mit Platz 49 nich in de Punkteränge, qualifizeer sück aber för dat Verfolgungsrennen, wo se sück noch um 3 Plätze verbetern kunn.
In de Saison 2020/21 is se weer in’n Weltcup antreeden. Bi dat Eenzelrennen in Antholz reck se mit een Fehler den elften Platz (noch vör Vanessa Hinz un Lisa Vittozzi). Dormit harr se sück ok glieks vör den Massenstart qualifiziert, den se up den 19. Platz afsluuten dee. An't Enn'n vun de Saison keem se dormit up Platz 52 in den Gesamtweltcup. In de Folgesaison bleev se bi hör eenzigen Insatz ahn Weltcup-Punkte, reck aber in'n IBU-Cup Platz 5 in de Gesamtwertung in'n Massenstart.
In de Saison 2022/23 keem se in den IBU-Cup in de Gesamtwertung vun de Verfolgung up Platz 9 rin. In de Folgesaison keem se in den IBU-Cup bi eenig Rennen ünner de best Teihn, kunn sück aber nicht mehr entscheedend verbetern.
Weblinks
ännern
Marion Wiesensarter. Mehr Biller, Videos oder Audiodateien to’t Thema gifft dat bi Wikimedia Commons.