Vanessa Hinz (* 24. März 1992 in München) is en ehmalge düütsch Biathletin un vörmalige Skilanglöperin.

Vanessa Hinz, Nové Město 2015

Sportlich Loopbahn ännern

Vanessa Hinz geiht för den SC Schliersee an den Start un hett de CJD Christophorusschulen Berchtesgaden besöcht. De Sportsuldatin fung as Skilanglöperin, wo se af Enn' 2007 in Junioren- un FIS-Rennen to'n Insatz keem, later ok in Rennen vun den Alpencup, ahn aber besünners good Ergevnisse to recken. 2011 verpass se bi de Düütsch Meisterschaften in Hirschau as Veertplatzeerte 5-Kilometer-Freestil knapp en Medaille un wurr wenig later bi de Juniorenweltmeesterschapen in Otepää över de sülvige Strecke 58. 2012 wurr se bi de Düütsch Juniorenmeesterschapen 2012 in Oberwiesenthal Dart in den Freestil-Sprints. In Erzurum nehm se to'n tweeten Mal an Juniorenweltmeesterschapen deel, bi de se 24. vun de Freestil-Sprint, 25. vun den Skiathlon un 4. mit de düütsch Staffel wurr.

To de Saison 2012/13 is Hinz vun den Skilangloop to'n Biathlon wesselt un wurr glieks in den düütschen B-Natschonalkader upnommen. Hör internatschonal Debüt geev se bi de Biathlon-Juniorenweltmeesterschapen 2013 in Obertilliach un wurr 19. in' Eenzel, 9. in' Sprint un verpass as Veerte vun de Verfolgung knapp en Eenzelmedaille, wunn dorför aber an de Siet vun Franziska Preuß un Laura Dahlmeier Gold in dat Staffelrennen. Dornah geev se hör Debüt in den IBU-Cup in Osrblie, wo se as 34. vun dat Eenzel un 18. vun den Sprint ok glieks Punkte haalen dee. Bi de Europameesterschapen 2013 vun Bansko wunn se mit Nicole Wötzel, Franziska Preuß un Karolin Horchler den Titel mit de düütsch Staffel un keem in dat Eenzel up Platz söss. In Sprint un Verfolgung hett se sück denn aber tovöl Scheetfehler inhannelt, so dat se bi de Verfolgung sogor överrund un dormit ut dat Rennen rutnommen wurr. Gegen Enn' vun de Saison 2012/13 keem se in Sotschi bi en Eenzel unverwacht to en Weltcup-Insatz un verpass as 45. knapp de Punkteränge.

In' IBU-Cup 2013/14 wunn Hinz in Ridnaun mit twee Sprints hör eerst Rennen in de tweet Rennserie. In Antholz wurr se weer in' Weltcup insett, keem in Sprint up Rang 49 un in de Verfolgung up Rang 40, un dormit eerstmals in de Punkteränge. De fordert Norm harr se woll nich henkreegen, wurr aber liekers as sösste Biathletin för de Winterspelen in Sotschi nomineert. As Ersatzlöperin is se aber nich mit nah Sotschi fohren.[1] In' März wurr se weer in' Weltcup in Pokljuka insett un keem nah en ehrder schlechten 57. Rang in' Sprint, in de Verfolgung up den 36. Rang un in de Punkteränge. In Oslo kunn se in Sprint un Verfolgung jewiels Platz 21. recken.

In de Saison 2014/15 keem Hinz weer in den Weltcup to'n Insatz un kunn dor mit good Leistungen övertüügen. In Hochfilzen wurr se in' Sprint mit fehlerfree Scheeten Sösste, womit se hör eerst Top-Ten-Platzeeren in' Weltcup recken. Doruphen keem se eerstmals in en Staffelrennen to'n Insatz. Up Positschoon dree loppend gelung hör mit de Team-Kolleginnen Luise Kummer, Franziska Hildebrand un Franziska Preuß hör eerst Weltcupsieg. In Pokljuka leeg se in'n Massenstart bindör up Siegkurs, wurr denn aber nah twee Scheetfehler in dat letzt Scheeten 11. In' Sprint in Oberhof belegg se bi swoor Verhältnissen den söbenten Rang. Nah en darten Platz in Ruhpolding mit de Staffel muss se in Antholz wegen en Krankheit utsetten. Wenig later reck se mit en veerten Platz in Nové Město na Moravě in de Verfolgung hör bitlang best Eenzelresultat in' Weltcup, nahdem se as Sprint-12. in dat Rennen gung. In Oslo an' legendären Holmenkollen kunn Hinz in' Eenzel kien Punkte sammeln, in' Sprint keem se immerhen up Platz 27. In de Staffel wurr se eerstmals an Positschoon een insett, de Staffel mit Vanessa Hinz, Franziska Preuß, Miriam Gössner un Laura Dahlmeier keem up Rang veer rin. Bi hör eerst Weltmeesterschap in Kontiolahti wurr se in' Sprint 49., in de Verfolgung 37. un in' Eenzel 44. In de Staffel wurr se weer an Positschoon dree insett un tosommen mit Franziska Hildebrand, Franziska Preuß un Laura Dahlmeier eerstmals Weltmeesterin.

Weblenken ännern

  Vanessa Hinz. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Auch Hinz für Sotschi nominiert. In: sport1.de. 23. Januar 2014. Afropen an' 4. Februar 2014.