Marnon Busch
| Marnon Busch | ||
| Spelerinformatschonen | ||
|---|---|---|
| Vullstännig Naam | Marnon-Thomas Busch | |
| Geboortsdag | 8. Dezember 1994 | |
| Geboortsoort | Stood, Düütschland | |
| Grött | 182 | |
| Positschoon | Afwehr | |
| Vereensinformatschonen | ||
| Vereen | Werder Bremen | |
| Verenen in de Jöögd | ||
| 2000–2004 2004–2007 2007–2013 |
SSV Hagen TuS Güldenstern Stood Werder Bremen | |
| Verenen as Speler1 | ||
| Johren | Vereen | Spelen (Doren) |
| 2012– 2014– |
Werder Bremen II Werder Bremen |
35 (1) 7 (1) |
| Natschonalmannschop | ||
| 2009 | Düütschland Ü-15 | 1 (0) |
|
1 Blots Liga-Spelen. | ||
Marnon-Thomas Busch (* 8. Dezember 1994 in Stood) is en düütschen Footballspeler, de bi Werder Bremen ünner Verdrag is.
Busch is 1994 in Stood boren un in Hagen opwussen. He hett dat Footballspelen mit fiev Johr bi’n SSV Hagen anfungen. 2004 is he in de Jugend-Mannschop von’n TuS Güldenstern Stood wesselt. Dor weer he dree Johr lang. 2007 is Busch denn in de Jugendabteilung von Werder Bremen opnahmen worrn, to de he bet 2013 höört hett. Mit de B-Jugend is he 2011 düütschen Viezmeester worrn. In de Saison 2012/2013 speel he för de 2. Mannschop von Werder. Nadem Busch in de Saison 2013/2014 blots söss Maal speelt hett, hett he dat liekers schafft, dat he in de Saison 2014/2015 ok eerste Spelen in de 1. Mannschop spelen dröff. Bi dat DFB-Pokal-Speel bi’n FV Illertissen is he in de 60. Minuut för Cédric Makiadi inwesselt worrn un is dör en 3:2 na Verlängerung mit Werder in de 2. Runn intagen. Een Week later harr he denn ok sien eerst Speel in de Bundsliga. Dat weer gegen Hertha BSC. He is in de 85. Minuut för Izet Hajrović inwesselt worrn. Blots en poor Daag later is Busch sien Verdrag üm dree Johr bet 2018 verlängert worrn.[1] Dat eerste kumplette Speel hett he an’n 23. September 2014 gegen Schalke 04 speelt.
To de Saison 2016/17 wurr Busch an den Tweetligisten TSV 1860 München utlehnt,[2] mit de he an dat Saisonenn' ut de 2. Bundsliga afstiegen dee.
To de Saison 2017/18 kehr Busch nich nah Bremen torüch, sonnern is to den Tweetligisten 1. FC Heidenheim wesselt, bi de he en bit to'n 30. Juni 2020 gültigen Verdrag kreeg.[3]
Busch hett 2009 een Lännerspeel för de Düütsche Ü-15-Juniorenutwahl maakt.
Weblenken
ännern- Marnon Busch in de Datenbank von soccerway.com (hoochdüütsch)
- Marnon Busch in de Datenbank von transfermarkt.de (hoochdüütsch)
- Marnon Busch in de Datenbank von Weltfussball.de (hoochdüütsch)
Footnoten
ännern- ↑ Werder-Talent Marnon Busch verlängert bis 2018 in werder.de, 28. August 2014, afropen an’n 28. August 2014
- ↑ [1] Löwen leihen Marnon Busch aus, tsv1860.de, van' 20. Juni 2016, afropen an' 20. Juni 2016
- ↑ 1.FC Heidenheim 1846 verpflichtet Marnon Busch, fc-heidenheim.de, 9. Juni 2017, afropen an' 9. Juni 2017.