Marshall Nuñez
Marshall M. Nuñez is en Politiker ut Belize (PUP).
Nuñez is bi de Wahl 1996 toeerst in’n Stadtraad von Belize-Stadt wählt worrn.[1] Nadem Börgermeester Jose Coye in’n August 1998 in dat Repräsentantenhuus wählt worrn is, hett he sien Amt as Börgermeester von Belize-Stadt afgeven. Nuñez is in’n September 1998 as sien Nafolger wählt worrn[2] un weer denn von 1998 bet to’n 1. März 1999 Börgermeester von Belize-Stadt. Na de Wahl 1999 hett he dat Börgermeesteramt an David Fonseca afgeven, is aver Maat von’n Stadtraad bleven. Ok bi de Stadtraadswahl 2003 is he wedderwählt worrn. Bi de Stadtraadswahl 2006 is he as Spitzenkannedaat von siene Partei för dat Börgermeesteramt antreden, man de UDP hett all ölven Seten haalt un de PUP kunn nich wedder in’n Raad intehn.
Footnoten ännern
- ↑ Myrtle Palacio: Belize City Council Election Results 1962 to 2003
- ↑ Nuñez officially elected as mayor, Channel 5 Belize an’n 22. September 1998