Myrtle Palacio
Iris Myrtle Palacio (* 1948 in Stann Creek Town) is en Politikerin (PUP) un Historikerin ut Belize.
Leven ännern
Palacio is 1948 as Dochter von Gwendolyn Hortense Trapp un Cornelius Cacho in Stann Creek Town (nu Dangriga) boren un stammt ut ene Garifuna-Familie.[1] Russell Garcia weer ehr Halvbroder.[2] Se güng in Stann Creek Town op de Stann Creek Methodist School un in Belize-Stadt op dat Wesley College.[1] Denn weer se op dat Belize Teacher’s College un hett dor en Diplom as utbillte Schoolmeestersche kregen.[1] 1981 güng se na de University of California, Berkeley, un an dat Armstrong College in Berkeley.[1] An dat Armstrong College hett se en Bachelor of Science in Accounting and Business Management maakt.[1] Ehr Studien güngen denn an de University of New Orleans an dat College of Urban Planning wieder.[1] Dor hett se 1995 en Master of Science in Urban Studies maakt.[1]
1984 hett Palacio Glessima Research & Services grünnt, dat eerste Ünnernehmen von de Computerindustrie in Belize.[1]
Bi de Parlamentswahl in Belize 1984 weer se Kannedatin för de PUP in’n Wahlkreis Mesopotamia un hett de Wahl mit 29,9 % von de Stimmen gegen Curl Thompson von de UDP verloren.
Palacio harr von Mai 1999 bet August 2005 as Chief Elections Officer de Elections and Boundaries Commision ünner sik, de sik üm de Wahlen in Belize kümmert. Ehr Nafolger weer denn Stuart Leslie.
Von 2005 bet 2008 harr se dat Leid över dat Office of Governance.
2011 bet 2015 weer Palacio Generaalsekretärin von de PUP.
Blangenbi hett se verscheden Böker över de Wahlen un dat polietsche System in Belize schreven un över de Garifuna-Kultur.
Se is siet 1968 verheiraadt mit Joseph Palacio.
Ehren ännern
To Königin Elisabeth II. ehren Geboortsdag 1999 is Palacio Member of the Order of the British Empire worrn un to Neejohr 2007 Officer of the Order of the British Empire.
Warken ännern
- Who and what in Belizean elections: 1954-1993. Glessima Research, 1993
- The First Primer on the People called Garifuna. Glessima Research & Services, 1993
- Adügürahani: A Walk Through Garifuna Spiritualism. 2011
- Electoral Politics in Belize: The Naked Truth. 2011