McGuinness Flint
Nah de Uplöösen vun de Band vun Manfred Mann in dat Johr 1969 hebbt Tom McGuinness (Gitarrist un Bassist) mit Hughie Flint, vörmals Slagtüüchspeler bi John Mayall sien Bluesbreakers, den Singer Dennis Coulson un de beid Musiker Benny Gallagher un Graham Lyle de Band McGuinness Flint bildt.
1970 un 1971 entstunnen mit When I'm Dead And Gone un Malt And Barley Blues twee internatschonale Bestseller, de beid vun Gallagher un Lyle schreeven wurrn weern. Denn hebbt de beid de Band verlaaten, dorför keem de Bassist Dixie Dean. Ok Coulson hett de Band verlaaten un wurr dör Lou Stonebrige (Keyboards) und Jim Evans (Gitarr) ersett.
De Grupp nehm 1974 de LP "C'est La Vie" up un interpreteer dorbi ahn Utnahm Leeder vun Bob Dylan. 1973 harrn se all dat Album Rainbow upnommen.
All 1973 harr de Singer Coulsen de LP Dennis Coulsen rutbrocht, för de Gallagher un Lyle fiev Leeder bistüert harrn. De beid weern intüschen en Duo, dat spoodriek Songs för annern, aber ok för sück sülvst schreev. 1976 harrn Gallagher & Lyle mit I Wanna Stay With You un Heart On My Sleeve jeweils en Top-10-Hit in England.
McGuinness un Flint hebbt 1979 mit Paul Jones, Dave Kelly un Gary Fletcher de Blues Band grünnd, de ok noch hüüd – mittlerwiel aber ahn Flint - aktiv is.
Liddmaaten
ännern- Tom McGuinness (* 2. Dezember 1941 in Wimbledon, England)
- Hughie Flint (*15. März 1941 in Manchester, England)
- Benny Gallagher (*21. Januar 1944 in Blaimore, Argyll, Schottland)
- Graham Hamilton Lyle (*11. März 1944 in Bellshill, Schottland)