Medem

De Medem oder Mehm is en 15,9 Kilometer langen Stroom in’n Noorden von’n Landkreis Cuxhoben in Neddersassen, de von links rin’e Elv flütt. De Anfang liggt bi dat Dörp Helmworth. Dor doot de Moorwettern, de Au un de Straatdiekwettern tohoopfleten. Von dor flütt de Medem na Noorden. In’n Noorden von Helmworth flütt von links de Emmelk to un von rechts de ole Münn von de Gösch. Denn geiht dat wieder na Noorden dör Pehmworth un Neenkarken na Oterndörp. Kort vör de Münn in de Elv is de Stroom mit en Slüüs un dat Schöppwark Oterndörp dichtmaakt un achter de Slüüs münnt von rechts de Haadler Kanaal in de Medem. Dor is ok de lüttje Haven von Oterndörp. De Münn billt en Priel in’n Loop von de Elv un liggt bi Elvkilometer 712,5.

Medem
Laag	Neddersassen
Stroomsystem	Elv
Läng	15,9 km
Afströömrebeed	483 km²
Born	bi Helmworth (op 5 m över NN)
Münn	bi Oterndörp in de Elv (op 0 m över NN)
Water je Sekunn	4,7 m³/s
Waterkenntall	DE: 5994
linke Blangenströöm	Emmelk, Welster
rechte Blangenströöm	Gösch, Haadler Kanaal
schippbor	nee
De Medem kort vör de Slüüs

De Medem in Oterndörp

Weblenken

Medem. Mehr Biller, Videos oder Audiodateien to’t Thema gifft dat bi Wikimedia Commons.