Melchior Siegfried Hofmeister

düütschen Verwaltungsbeamten

Melchior Siegfried Hofmeister (* 9. Mai 1727 in Hilmssen; † 14. Mai 1797[1] in Gothenborg) weer en düütschen Verwaltungsbeamten.

Melchior Siegfried Hofmeister

Hofmeister is 1727 as Söhn von Clara Magdalena, borene Oldekop (1695–4. Februar 1738), un den Hoffgerichtsassesser Siegfried Günther Hofmeister (1684–1739) in Hilmssen boren. He hett sik an’n 26. April 1797 för en Studium von de Juristeree an de Universität Göttingen inschreven.[2] Na dat Studium is he in’n kurhannöverschen Verwaltungsdeenst gahn. He weer von 1755 bet 1760 Amtsschriever in dat Amt Deefholt un von 1760 bet 1765 in dat Amt Oosterholt.[2] Von 1765 bet to sien Dood 1797 weer he denn Amtmann in dat Amt Stood-Gothenborg. 1785 hett he den Rang von en Oberamtmann kregen.[2]

Hofmeister weer verheiraadt mit Louise Sophie, borene Wedemeyer (3. August 1750–14. Dezember 1804).[2] De beiden harrn negen Kinner, ünner annern Christian Heinrich (1769–1813), Charlotte Dorothee (* 23. April 1770), Eleonore Justine Dorothee (1771–1789), Luise Dorothea (4. Juni 1772–26. Januar 1841; hett Georg Erich Hüpeden freet), Georg Christian Melchior (29. April 1774-1847), Auguste Dorothee (14. Juni 1775–15. August 1776), Amalie Lucie (14. Juni 1775–na 1830) un Caroline Marianne (* 5. August 1782).[2]

Bi Slott Gothenborg leeg de Familiengruft von de Familie, in de Hofmeister un dree von sien Kinner begraven worrn sünd. De verfullen un vergeten Gruft is 1988 wedderfunnen un archäoloogsch ünnersöcht worrn.

Literatur ännern

Footnoten ännern

  1. Beyträge zur Erläuterung der ältern und neuern Geschichte der Herzogthümer Bremen und Verden. 1798, Band 3, Sied 341
  2. a b c d e Hans-Cord Sarnighausen: Amtsjuristen von 1717 bis 1866 in Osterholz bei Bremen. In: GENEALOGIE. Deutsche Zeitschrift für Familienkunde. 1/2015, Sieden 366–390