Amt Stood
Dat Amt Stood weer en Verwaltungsrebeed in Bremen-Veern un in dat Königriek Hannover mit Seet in Gothenborg (vör 1743 Stood) binnen de Landdrostie Stood. Dor hett groff dat Rebeed von de hüdigen Gemeen Gothenborg un de Öörd in’n Süden von de hüdige Gemeen Stood tohöört.
Dat Leid över dat Amt harr en Amtmann, de twete Beamte weer bet 1816 de Amtsschriever.
Geografie
ännernIn’n Noorden von dat Amt legen dat Grevengericht Bützfleet un dat Amt Wischhoben, in’n Oosten de Stadt Stood un dat Grevengericht Oolland, in’n Süüdoosten dat Gericht Hornborg, in’n Süden dat Amt Harsfeld, in’n Süüdwesten dat Gericht Swing un in’n Westen dat Amt Himmelpoorten (Stand 1848).
Historie
ännernDat Amt Stood is na’n Dörtigjohrigen Krieg un de Säkularisation ut den Besitt von de Kloosters in Stood billt worrn.
1848 weer dat Amt so 60,00 km²[1] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. 1813 müssen de Franzosen dat Amt denn opgeven un de ole Stand is wedderkamen.
To’n 1. Januar 1847 hett dat Amt Stood-Gothenborg de Dörpschop Hagen von dat Amt Harsfeld tokregen.[2]
An’n 18. März 1850 is dat Gericht Swing dör Verordnung von dat Königriek Hannover oplööst un Deel von dat Amt Stood-Gothenborg worrn.[3]
Bi de bi de Verwaltungs- un Justizreform an’n 1. Oktober 1852 hett dat Amt de Göder Kochshoff un Neehoff un de Eilannen in de Elv an dat Amt Jörk afgeven un von dat Amt Harsfeld de Böörd Mulsen mit de Dörper Aasp, Eßel, Groot un Lüttjen Freenbeek, Hogenmoor, Kutenhult, Mulsen, Soors un Wehl tokregen.[4] Mit Verordnung von’n 28. September 1852 hett dat Amt Stood ok noch de Öörd Stodermoor un Schölisch un den Dööshoff tokregen, de vörher to dat Amt Wischhoben höört harrn, un dat Gericht Brunshusen, dat vörher to dat Grevengericht Bützfleet tohöört harr.[5]
As Gericht för dat Amt is to’n 1. Oktober 1852 dat Amtsgericht Bützfleet inricht worrn.
Bi de Verwaltungsreform 1859 is dat Amt Stood denn Deel von dat Amt Himmelpoorten worrn.
Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich egenstännig.
| Oort | Lüüd | Hüüs | Aard | Status | |
|---|---|---|---|---|---|
| 1 | Gothenborg | 244 | 41 | Dörp | Gemeen |
| Dullern | 11 | 1 | Möhl | ||
| Domään Gothenborg | 6 | 1 | Domään | ahn Gemeen | |
| 2 | Barg | 41 | 6 | Dörp | Gemeen |
| 3 | Thun (Groot Thun/Lütt Thun) | 34 | 6 | Dörp | |
| 4 | Riensföör | 43 | 7 | Dörp | |
| 5 | Kamp | 557 | 99 | Dörp | Gemeen |
| Vörwark Kamp | 6 | 1 | Vörwark | ahn Gemeen | |
| 6 | Haddörp | 51 | 8 | Dörp | Gemeen |
| 7 | Steernbarg | 15 | 2 | Hööv | Gemeen |
| 8 | Villah | 28 | 5 | Hööv | |
| 9 | Bockhorst | 11 | 2 | Hööv | |
| 10 | Hahl | 20 | 5 | Hööv | |
| 11 | Hogendoor | 404 | 71 | Vörstadt | keen Gemeen |
| 12 | Swartenbarg un Hogenwedel | 255 | 39 | Vörstadt | |
| 13 | Schipperdoor | 137 | 26 | Vörstadt | |
| 14 | Vör dat Kedener- un Soltdoor | 12 | 3 | enkelte Hüüs | |
| 15 | Wiepenkathen | 170 | 29 | Dörp | Gemeen |
| Parlbarg | 36 | 6 | Hoff | ||
| 16 | Wittenmoor | 58 | 10 | Moorkolonie | Gemeen |
| 17 | Stodersand | 19 | 2 | Hoff | keen Gemeen |
| 18 | Kochshoff | 8 | 1 | Domanialgood | ahn Gemeen |
| 19 | Neehoff | 9 | 1 | Domanialgood | ahn Gemeen |
| 20 | Hagen | 184 | 30 | Dörp | Gemeen |
Inwahnertall
ännern| Johr | Inwahners |
|---|---|
| 1810[6] | 1.209 Lüüd, 170 Füürsteden |
| 1848[1] | 2.359 Lüüd, 402 Hüüs |
Amtlüüd
ännern- 1754–1757: Oberhauptmann Johann Wilhelm Ludwig von Berlepsch
- ~1760: Carl Friedrich Meiners
- 1765–1797: Melchior Siegfried Hofmeister
- 1798–1827: Heinrich Friedrich Albrecht Meyer
- ~1840: Otto-Christian von Gruben
- –1859: Johann Caspar Peter Fischer
Amtsschrievers
ännern- 1754–: Georg Ernst Biehle
Footnoten
ännern- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 157
- ↑ Christian H. Ebhardt: Gesetze, Verordnungen und Ausschreiben für das Königreich Hannover. Jänecke, 1851, Sied 173
- ↑ Hannoversche Gesetzgebung über Staats- und Gemeinde-Verwaltung. Helwing, 1852, Sied 68, http://books.google.de/books?id=8ihGAAAAcAAJ&pg=PA68
- ↑ Hannoversche Gesetzgebung über Staats- und Gemeinde-Verwaltung. Helwing, 1852, Sied 80b
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859
