Melpomene (Mythologie)
Melpomene (ooltgreeksch Μελπομένη „de, de singt“) is ene vun de negen Musen in de Greeksche Mythologie.
Mythos
ännernEerst vun Hesiod af an is Melpomene mit Naam bekannt. Eerst vun dor af an gifft dat ok negen Musen. Vördem weern dat bloß dree ween. Hesiod vertellt, dat Zeus ehr mit siene Leevste Mnemosyne tüügt harr. Se is en Göddin un de Muse vun de tragischen Gedichten un vun den Truergesang. Ehr Teken sünd de Schabellenkopp in de ene Hand, de Küül in de annere un en Kranz mit Wienblöer up dat Hööft.
Melpomene hett veel Unglück un Lieden mit ankeken över de Tieden hen. Se hölpt de Minschen mit ehrn Gesang, dat se nee Kraft kriegt un Troost finnen doot.
