Michael Joseph Espat (Mike Espat) is en Politiker ut Belize (PUP).

Espat weer Rekter von dat St. Peter Claver College (bet 1983) un dat Toledo Community College (na 1983).

Bi de Parlamentswahl in Belize 1989 weer he Kannedaat för de PUP in’n Wahlkreis Toledo Oost un hett de Wahl mit 52,0 % von de Stimmen gegen Charles Wagner von de UDP wunnen. Bi de Wahl 1993 weer he in’n sülven Wahlkreis Kannedaat, kunn sik aver mit 49,9 % von de Stimmen nich gegen Joseph Cayetano von de UDP dörsetten. Cayetano harr veer Stimmen mehr as Espat.

Bi de Wahl 1998 is Espat gegen Ryan Kenneth Pennell von de UDP antreden un hett de Wahl mit 57,72 % wunnen. Bi de Wahl 2003 kunn he sik mit 52,23 % gegen Peter Eden Martinez von de UDP ok wedder dörsetten. Bi de Wahl 2008 harr Martinez aver de Bavenhand un Espat keem mit 37,16 % von de Stimmen op Platz twee achter Martinez un vör William Maheia von de PNP.

Bi de Wahlen 2012 (49,99 % gegen Martinez) un 2015 (49,25 % gegen Martinez) hett he beide Maal ok wedder wunnen.

Dormit weer he von 1989 bet 1993, von 1998 bet 2008 un siet 7. März 2012 Afornten von dat Repräsentantenhuus von Belize.

He weer von 1989 bet 1993 ünner Premierminister George Cadle Price Minister för Bueree, Forstweertschop un Fischeree in dat Kabinett Price II.

Ünner Premierminister Said Musa weer he von 2003 bet 29. Dezember 2004 Minister för Hannel, Industrie, Fischeree un Kooperativen un von’n 29. Dezember 2004 bet 2006 Minister för Bueree un Fischeree in dat Kabinett Musa II.

An’n 12. April 2006 is he Minister för Apentliche Arbeiden worrn un dat bet 2008 bleven.

Siet 2012 sitt Espat mit de PUP in de Oppositschoon.