Servulo Baeza
Servulo Matias Baeza is en Politiker ut Belize (PUP).
Baeza hett en Bachelor in Weertschopswetenschoppen un Biologie an de Gonzaga University in Spokane (USA) maakt.[1] Later hett he as Schoolmeester an dat Muffles College in Orange Walk un dat St. John’s Junior College in Belize-Stadt arbeidt.[1]
Bi de Parlamentswahl 1998 weer he för de PUP Kannedaat in’n Wahlkreis Orange Walk Noord un hett mit 56,65 % von de Stimmen gegen Alfredo Martinez von de UDP wunnen. Bi de Wahl 2003 weer he in’n sülven Wahlkreis wedder Kannedaat un hett dütmaal mit 52,18 % von de Stimmen gegen Philip De La Fuente (UDP) wunnen. Bi de Wahl 2008 is he ok antreden, hett aver mit 41,05 % von de Stimmen gegen Gaspar Vega (UDP) verloren.
Dormit weer Baeza von 1998 bet 2008 Afornten von dat Repräsentantenhuus von Belize. He weer in de Tied von 1998 bet 1999 ünner Premierminister Said Musa Minister för Gesundheit in dat Kabinett Musa I. 1999 is he Staatsminister in dat Ministerium för Weertschopliche Entwicklung worrn un an’n 28. April 2000 as Staatsminister in dat Ministerium för Natürliche Ressourcen un de Ümwelt wesselt.[2] Von’n 7. März 2003 bet to’n 29. Dezember 2004 weer he Minister för Bueree un von’n 29. Dezember 2004 bet to’n 14. Juli 2005 Minister för Huusbo in dat Kabinett Musa II. Nadem he düt Ministerium an’n 14. Juli 2005 afgeven müss, is he aver Minister ahn Portfolio bleven.[3]
An’n 12. April 2006 is he Staatsminister för Butenhannel worrn, is aver al en poor Daag later, an’n 18. April 2006, as Staatsminister för Natürliche Ressourcen in dat Ministerium för Natürliche Ressourcen un Ümwelt versett worrn.[4]
Nadem bi de Wahl 2008 de UDP de Macht övernahmen hett, is Baeza Wahlkampfmanager bi de PUP worrn.[1]
Footnoten
ännern- ↑ a b c Servulo Baeza op de Websteed von de PUP
- ↑ Espat loses immigration portfolio in cabinet shuffle, Channel 5 Belize an’n 28. April 2000
- ↑ Latest Cabinet shuffle reduces number of ministries, Channel 5 Belize an’n 14. Juli 2005
- ↑ More Ruffled Feathers in Musa's Cabinet, 7 News Belize an’n 19. April 2006
1963–1979: C. L. B. Rogers | 1979–1984: Assad Shoman | 1984–1986: Elodio Aragon Senior | 1986–1989: Israel Alpuche | 1989–1993: Theodore Aranda | 1993–1997: Ruben Campos | 1997–1998: Salvador Fernandez | 1998–1999: Servulo Baeza | 1999–2004: Jose Coye | 2004–2006: Juan Vildo Marin | 2006–2008: Jose Coye | 2008–2020: Pablo Marin | 2020–: Michel Chebat
–1981: Florencio Marin Sr. | 1984–1989: Dean Lindo | 1989–1993: Michael Espat | 1993–1998: Russell Garcia | 1998–2003: Daniel Silva | 2003–2004: Servulo Baeza | 2004–2006: Michael Espat | 2006–2008: Juan Vildo Marin | 2008–2012: Rene Jaime Montero | 2012–2016: Gaspar Vega | 2016–: Godwin Hulse