Michael Kamen

Michael Arnold Kamen (* 15. April 1948 in New York City; † 18. November 2003 in London) weer en US-amerikaanschen Komponist, de sünners dör sien Filmmusiken bekannt worrn is, aver ok as Orchestrater, Arrangeur un Ledermaker arbeidt hett.

Leven

Kamen hett 1965 sien Afsluss an de Highschool of Music & Art in New York maakt un dorna Oboe an de Juilliard School studeert.

Mit dat Komponeeren vun Filmmusik füng Kamen 1971 an. Tomeist hett he de ok sülvst dirigeert. Ünner de Filmen, för de he komponeert hett weern grode Titels as to’n Bispeel Die Hard, Licence to Kill, Robin Hood: Prince of Thieves un vele mehr. Ut Robin Hood stammt ünner annern dat Leed Everything I Do, I Do It for You…, bi dat Kamen mitschreven hett un dat in de Interpretatschoon vun Bryan Adams en Welthit worrn is.

Kamens Intresse, klassische mit populäre Musik to verbinnen hett sik sünners bi de Arbeit för dat Metallica-Album S&M wiest. In’t Johr 1999 hett he en Live-Kunzert vun Metallica mit dat San Francisco Symphony Orchestra dirigeert, för dat he de orchestralen Arrangement maakt hett. Man, ok dorför hett Kamen al mit beropen Musikers un Musikgruppen tosamenarbeit, as to’n Bispeel Pink Floyd, Aerosmith, David Gilmour, Roger Waters, Queen (Who Wants to Live Forever), Eric Clapton, Tom Petty, David Bowie, Eurythmics, Herbie Hancock, The Cranberries, Sting oder Kate Bush. Wiel de Arbeit mit Metallica an S&M un de nafolgen Welttournee weer Kamen na Utseggen vun Metallica as offiziell Liddmaat vun de Grupp ansehn.

Een vun letzten Arbeiten weer die Musik to den düütschen Animatschoonsfilm Back to Gaya, de Kamen nich mehr to Enn maken künn, wiel dat he unvermodens dood bleev. Siet 1996 weer de Komponist an Multiple Skleroos krank. He is 2003 an en Hartinfarkt doodbleven. Torüchlaten hett he sien Ehfro un twee Kinner.

Filmografie (Utwahl)

Johr	Originaltitel	dt. Titel
1976	The Next Man	Öl
1983	The Dead Zone	Dead Zone – Der Attentäter
1985	Brazil	Brazil
1986	Highlander	Highlander – Es kann nur einen geben
1987	Lethal Weapon	Zwei stahlharte Profis
1987	Suspect	Suspect – Unter Verdacht
1988	Die Hard	Stirb langsam
1988	The Adventures of Baron Munchhausen	Die Abenteuer des Baron Münchhausen
1989	Lethal Weapon 2	Brennpunkt L.A.
1989	Crusoe	Crusoe
1989	Licence to Kill	Lizenz zum Töten
1990	Die Hard 2	Stirb langsam 2
1991	Robin Hood: Prince of Thieves	Robin Hood – König der Diebe
1991	Last Boy Scout	Last Boy Scout – Das Ziel ist Überleben
1991	Nothing But Trouble	Valkenvenia – Die wunderbare Welt des Wahnsinns
1992	Lethal Weapon 3	Brennpunkt L.A. – Die Profis sind zurück
1992	Shining Through	Wie ein Licht in dunkler Nacht
1993	Last Action Hero	Last Action Hero
1993	The Three Musketeers	Die drei Musketiere
1995	Die Hard with a Vengeance	Stirb langsam: Jetzt erst recht
1995	Don Juan DeMarco	Don Juan DeMarco
1996	101 Dalmatians	101 Dalmatiner
1997	Event Horizon	Event Horizon – Am Rande des Universums
1998	Lethal Weapon 4	Lethal Weapon 4
2000	X-Men	X-Men
2001	Band of Brothers	Band of Brothers – Wir waren wie Brüder
2003	Open Range	Open Range – Weites Land
2004	Against the Ropes	Die Promoterin
2004	Back to Gaya	Back to Gaya
2004	First Daughter	Ein Date mit Hindernissen

Utteken

Michael Kamen hett för sien Filmmusiken 25 Priesen wunnen un weer noch för eenige mehr nomineert, dorünner ok tweemol för den Oscar in de Kategorie Best Leed för Don Juan DeMarco un för Robin Hood: Prince of Thieves. Nafolgen steiht en Utwahl vun de Priesen, de Kamen wunnen hett:

• 1988: den BMI Film Music Award för Lethal Weapon.
• 1989: den BMI Film Music Award för Die Hard.
• 1990: den BMI Film Music Award för Lethal Weapon 2.
• 1990: den Georges Delerue Prize vun’t Flandersch Internatschonal Film Festival för The Krays.
• 1991: den BMI Film Music Award för Die Hard 2.
• 1992: den Grammy in de Kategorie: Best Leed för en Sppelfilm för Robin Hood: Prince of Thieves.
• 1993: den BMI Film Music Award för Lethal Weapon 3.
• 1995: den ASCAP Award in de Kategorie: Best Leed för en Speelfilm för The Three Musketeers.
• 1996: den ASCAP Award in de Kategorie: Best Leed för en Speelfilm för Don Juan DeMarco.
• 1997: den BMI Film Music Award för 101 Dalmatians.
• 1999: den Annie Award in de Kategorie: Rutragen enkelte Leistung bi Musik för en Animatschoonsfilm för The Iron Giant.
• 1999: den BMI Film Music Award för Lethal Weapon 4.
• 2000: den Hollywood Film Award för utermatig Leistungen in’t Rebeet Filmmusik
• 2001: den BMI Film Music Award för X-Men.
• 2002: den BMI Cable Award för Band of Brothers.

Websteden

• Michael Kamen in de Internet Movie Database (engelsch)
• Naroop op Michael Kamen