X-Men (Film)
X-Men (op plattdüütsch so veel as „X-Minschen“) is de Titel vun en US-amerikaanschen Science-Fiction-Film ut dat Johr 2000. Speelbaas weer Bryan Singer, produzeert weer de Film vun de 20th Century Fox.
| Filmdaten | |
|---|---|
| Plattdüütsch Titel: | — |
| Originaltitel: | X-Men |
| Düütsch Titel: | X-Men |
| Produkschoonsland: | USA |
| Johr vun’t Rutkamen: | 2000 |
| Läng: | 100 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Bryan Singer |
| Dreihbook: | David Hayter Tom DeSanto |
| Produkschoon: | Ralph Winter Lauren Shuler Donner |
| Musik: | Michael Kamen |
| Kamera: | Newton Thomas Sigel |
| Snitt: | John Wright |
| Dorstellers | |
| |
Inholt
ännernDe Teenager Rogue leevt in en Tiet, in de Mutanten de Sellschop bang maakt. Se sülvst höört ok to jem. Se hett de Anlaag, Minschen dör eenfach Anröhren jemehr Kräft un Gedanken för korte Tiet to roven. As sik de sünnere Anlaag bi ehr wiesen deit löpt se vun Tohuus weg un neiht na Kanada ut. Dor dröpt se op den Mutant Wolverine, de as Enkeltkämper ünnerwegens is. He hett de Anlaag vun scharpe Sinnen un sien egen Sehren in korte Tiet to heelen. Sien Skelett besteiht butendem ut schier Metall (Adamantium), dat nich tweitokriegen is un he kann ut sien Hannen Metallklauen utfohren. Man, he weet sülvst nich, wanneer sien Skelett so behannelt worrn is.
As Rogue mit Wolverine in den sien Auto ünnerwegens is, warrt se vun en wieteren Mutanten angrepen, de den Naam Sabretooth hett. Blots dör dat Ingriepen vun de X-Men Cyclops un Storm överleevt de beiden. Se warrt na Professer X bröcht, de in sien Institut för hoochveranlaagte junge Lüüd junge Mutanten ünnerricht un jem helpt, mit jemehr egen Kräft beter kloor to kamen un jem to kontrolleeren. De Professer is dorvun övertüügt, dat de Mutant Magneto achter den Angreep steken deit, de de Mutatschonen as Schritt in de Evolutschoon sütt un normale Minschen as Gefohr ansütt.
Magneto un sien Lüüd roovt den US-Senater Kelly, üm an em to experimenteeren. Sien Teel is, de Föhrers vun de Welt bi en UNO-Drapen in New York in Mutanten to verwanneln. Se schüllt sik denn weltwiet för en Gliekberechtigung vun de Mutanten insetten schüllt. Dat Experiment funkschoneert un de Senater, de vördem jümmer Positschoon streng gegen de Mutanten betogen harr, warrt nu sülvst to een. Man, dör den künstlichen Vörgang blifft sien Zellstruktur nich bestännig. Mit de Help vun sien ne’en Anlagen kann he utneihn, man he troet sik nich in een normal Krankenhuus, vun wegen dat he nu en Mutant is. He söcht also de X-Men op, de versöken doot, em medizinisch to versorgen. De künstliche Mutatschoon wiest sik aver as to gefährlich, un de Senater blifft kort dorna dood.
En annere Hinnern bi Magneto sien Plaan is, dat de Bruuk vun de Maschien den Bruker sotoseggen utsugen deit. Magneto beslutt dorüm, sien Kräft op Rogue to överdrägen. Se schall de Maschien för Magneto ingang setten. Se is mit ehr Kärft noch jümmer nich in’t Reine. Magneto schickt sien Verbünnte Mystique, de sik in jede Gestalt wanneln kann, üm Rogue vun de X-Men wegtoholen. Se warrt op’n Bahnhoff vun New York wedderfunnen, man dor hebbt sik intwüschen ok Magneto un sien Mackers infunnen. Wiel sik de beiden Lagers bekämpen doot, kann Magneto mit Rogue verswinnen.
To’n Showdown kummt dat op de Freeheitsstatue. Magneto sien Lüüd Toad un Sabretooth sünd intwüschen utschallt, un de X-Men künnt Rogue freemaken un den Plaan dörkrüüzen. De X-Men övergeevt Magneto an de Justiz, de nu in en sünnert Gefängnis ahn Metall fangen sett warrt. Blots Mystique künn utneihn. Later sütt man ehr in de Gestalt vun Senater Kelly in’t Feernsehn, as he schienbor sien egen Foddern na scharpere Gesetten gegen de Mutanten torüchnehmen deit. Wolverine warrt vun’n Professer na en ool Lager an’n Alkali Lake schickt, dat angeevlich verlaten wesen schall. Dor haapt he Antwoorten över sien egen verleden Tiet to finnen. Mit dat Verspreken an Rogue, dat he wedder torüchkamen warrt, geiht he vun de School weg un brickt na Kanada op.
Kritik
ännernDe Film harr veel Spood in de Kinos un kreeg go’e Kritiken. Alleen in de USA hett de Film 157 Millionen US-Dollar inspeelt, weltwiet hett de Film 296 Millionen Dollar tosamenbröcht.
Utteken
ännernDe Film weer för mehr as dörtig Filmpriesen vörslahn. He hett ölven Priesen wunnen:
- 2000: den Bogey Award
- 2001: den Saturn-Pries in de Kategorie Best Science-Fiction-Film
- 2001: den Saturn-Pries in de Kategorie Best Hööftdorsteller för Hugh Jackman
- 2001: den Saturn-Pries in de Kategorie Beste Kledaasch för Louise Mingenbach
- 2001: den Saturn-Pries in de Kategorie Best Speelbaas för Bryan Singer
- 2001: den Saturn-Pries in de Kategorie Best Nevendorstellesche för Rebecca Romijn
- 2001: den Saturn-Pries in de Kategorie Best Dreihbook för David Hayter
- 2001: den BMI Film Music Award för Michael Kamen
- 2001: den Blockbuster Entertainment Award in de Kategorie Beste Nevendorstellersche – Science Fiction för Rebecca Romijn
- 2001: den Blockbuster Entertainment Award in de Kategorie Best Nevendorsteller – Science Fiction för James Marsden
- 2001: den Empire Award in de Kategorie Best Speelbaas för Bryan Singer
Wietere Filmen ut de Reeg
ännern- 2003: X2
- 2006: X-Men: The Last Stand
- 2009: X-Men Origins: Wolverine
- 2011: X-Men: First Class
Borns
ännern
Weblenken
ännern- X-Men (Film) in de Internet Movie Database (engelsch)
- Bespreken vun de DVD