Michel Pollentier
Michel Pollentier (* 13. Februar 1951 in Diksmuide, Westflannern) is en ehmalger belgisch Radrennfohrer.
Loopen
ännernNahdem Pollentier as Amateur den darten Platz bi de DDR-Rundfahrt 1971 beleggt harr un 1972 de belgisch Meesterschap in‘t Mannschapstietfohren wunn, wurr he 1973 Profi bi dat belgisch Radsportteam Flandria.
1976 wunn Pollentier de Belgien-Rundfohrt. Sien gröttste Karriereerfolg weer 1977 de Sieg bi den Giro d’Italia mit 2:32 Minüüt Vörsprung up Francesco Moser. In dat sülvig Johr kunn he ok de Tour de Suisse mit en Vörsprung vun 58 Sekunnen up Lucien Van Impe för sück entscheeden un wurr todem noch belgisch Meester. Dissen Meestertitel kunn he 1978 spoodriek verteidigen, nahdem he tovör dat Deelstreckenrennen Dauphiné Libéré wunnen harr.
Bi de Tour de France 1978 övernehm he nah de Bargankunft in L’Alpe d’Huez da Geel Trikot vun den Gesamtführenden. Sien Versöök, de ansluutend Dopingproov mit Hülp vun en ünner sien Arms verstaaken Urinbüüdel to manipuleeren, gung allerdings scheef. He wurr denn disqualifizeert.[1][2][3]
Sien eenzig Klassikersieg gelung hüm 1980 bi de Flannern-Rundfohrt.
Nah de Saison 1984 hett he sien Profi-Loopbahn afslooten. Insgesamt harr he 88 Siege haalt.[4] In de Datenbank vun Radsportseiten.net staht sogor 101 Siege
Teams
ännern- 1973–1978 Flandria
- 1979–1980 Splendor
- 1981 Vermeer-Thijs
- 1982–1984 Safir
Enkeld Nahwiesen
ännern- ↑ Nags on the fags and dodgy doping. bbc.co.uk, 27. Juli 2001, afropen an’n 24. November 2015.
- ↑ Vörlaag:AZ
- ↑ Vörlaag:AZ
- ↑ Pascal Sergent, Guy Crasset, Herve Dauchy: Wereld Encyclopedie Wielrennen. Eeclonaar, Eeklo 2001, S. 1499 (flämisch).
Weblinks
ännern
- [http://www.radsportseiten.net/coureurfiche.php?coureurid=3960 Indrag bi Radsportseiten.net}