Nichelle Nichols

Nichelle Nichols (* as Grace Nichols 28. Dezember 1932 in Robbins, Illinois, USA; † 30. Juli 2022 in Silver City, New Mexico) weer en US-amerikaansche Schauspelersche un Singersche.

Leven un Loopbahn

Nichelle Nichols is weltbekannt worrn dör ehr Rull as Lt. Nyota Ohura in de Feernsehreeg Star Trek. Se hett dormit glieks tweefack US-amerikaansche Feernsehhistorie schreven. To’n eersten, vun wegen dat se de eerste swarte Fro in en Weltruumreeg weer, de in de Funkschoon as en Offizeersche wiet mehr as blots de tyypschen „swarten“ Rullen to de Tiet (Maagd o.ä.) spelen dröfft hett. To’n annern weer se aver ok de eerste swarte Fro, de in US-amerikaansche Medien en witten Mann en Söten geven hett, neemlich Cpt. Kirk in de Episood Plato’s Stepchildren (dt.. Platons Stiefkinder). Wegen de Zensur in’t Feernsehn weer dat nich verlööft, den Söten to wiesen, man he weer andüüt dör de Sicht vun de Kamera un woans de Köpp hollen weern. Nichols segg later över den Söten, dat sik jemehr Lippen nie drapen harrn. Dat geev eenige Feernsehsenners in’n Süüden vun de USA, de wegen dissen Söten aflohnt hebbt, de Episood uttostrahlen. As de Schauspelersche 1966 ut de Reeg utstiegen wull, hett de Börgerrechtler Martin Luther King ehr betütert, dat se in de Reeg dorbi blieven schüll, vun wegen dat se en Vörbild weer.

Nichols in ehr Rull as Lt. Uhura in Star Trek

Butendem weer Nichols eerste afro-amerikaansche Schauspelersche, de vör Grauman’s Chinese Theatre in Hollywood ehr Hannenafdrück maken laten dröff. Later hett se ok ehrn Steern op’n Hollywood Walk of Fame kregen. Se weer bit in’t Johr 1987 bi de US-Ruumfohrtbehöörd NASA anstellt un hett dor af un to repräsentative Opgaven wohrnahmen un bi’t Anwarven vun junge Astronauten mitarbeit. To ehr Rekruten höören to’n Bispeel Guion Bluford, Sally Kristen Ride as ok Judith Resnik un Ronald McNair. Resnik un McNair weern beide bi de Kru dorbi, de 1986 bi de Explosion vun de Challenger ümkamen sünd.

In’t Johr 1999 harr Nichols (oder beter Uhura) eenige Optreden in de satirischen Tekentrickreeg Futurama. In de US-amerikaanschen Faten he se ok sülvst de Rull snackt.

Privat weer Nichols vun ehrn Mann scheedt un harr een Söhn. Se harr en jüngeren Broder, Thomas, de sik in’n März 1977 tosamen mit anndere Liddmaten vun de Bewegen Heaven’s Gate in’t kalifornische Rancho Santa Fe dat Leven nahmen hett.

Filmografie (Utwahl)

Johr	Titel	Synchroonsnacker
1959	Porgy and Bess dt.: Porgy und Bess
1964	Great Gettin’ Up Mornin’
1966-69	Star Trek dt.: Raumschiff Enterprise	Rosemarie Kirstein Ilona Grandke Sabine Arnhold
1974	Truck Turner dt.: Chikago Poker
1973-74	Star Trek: The Animated Series, Stimm dt.: Die Enterprise	Renate Küster
1979	Star Trek: The Motion Picture dt.: Star Trek: Der Film	Rosemarie Kirstein Regine Albrecht (ne’e Szenen)
1982	Star Trek II: The Wrath of Khan dt.: Star Trek II: Der Zorn des Khan	Joseline Gassen
1984	Star Trek III: The Search for Spock dt.: Star Trek III: Auf der Suche nach Mr. Spock	Joseline Gassen
1986	The Supernaturals dt.: Rebellen des Grauens	Viktoria Brams
1986	Star Trek IV: The Voyage Home dt.: Star Trek IV: Zurück in die Gegenwart	Ilona Grandke
1989	Star Trek V: The Final Frontier dt.: Star Trek V: Am Rande des Universums	Ilona Grandke
1991	Star Trek VI: The Undiscovered Country dt.: Star Trek VI: Das unentdeckte Land	Ilona Grandke
1995	The Adventures of Captain Zoom in Outer Space, Feernsehn dt.: Captain Zoom	Inken Sommer
1994-96	Gargoyles, Feernsehepisoden dt.: Gargoyles – Auf den Schwingen der Gerechtigkeit	Gisela Fritsch
2002	Snowdogs dt.: Snowdogs – Acht Helden auf vier Pfoten	Ilona Grandke
2007	Heroes, Feernsehepisoden	Marianne Groß
2008	Lady Magdalene’s
2008	The Torturer
2012	This Bitter Earth
2018	White Orchid

Utteken

As Schauspelersche weer Nichols fiefmol för Filmpriesen vörslahn (Stand Juli 2014), so to’n Bispeel för den Saturn-Pries as Beste Nevendorstellersche in Star Trek: The Motion Picture. Uttekent worrn weer se tweeol, neemlich 1992 mit den Steern op’n Walk of Fame un 1999 mit den Millenium Award vun de Golden Kamera as Kultstar vun’t verleden Johrhunnert.

Weblenken

Nichelle Nichols in de Internet Movie Database (engelsch)
Literatur vun un över Nichelle Nichols in’n Kataloog vun de Düütschen Natschonalbökeree
Offizielle Websteed vun Nichelle Nichols (engelsch)