Nicolas de Largillière

Nicolas de Largillière (* 20. Oktober 1656 in Paris; † 20. März 1746 ok dor) weer en franzöösch Maler ut de Tiet vun den Rokoko. He gellt neben Hyacinthe Rigaud as eerst Porträtist vun sien Tiet in Frankriek.

Leven

Sien Lehrtiet hett he in den Nedderlannen un England verbrocht. In den Nedderlannen hett he dat Wark vun Rubens un van Dyck kennen lehrt, wat nahhollend Infloot up hüm harr. In England wark he as Hülp vun Peter Lely.

Largillierre hett siet 1668 in Antwerpen ünner Alexander Goubau lehrt un is 1673 oder 1674 in de Lukasgilde intreeden. Denn gung he nah London, wo he veer Johr lang bleev, bit hüm de över de Katholiken verhangt Verfolgungen verdreeven hemm. He hett sück denn nah Paris wend un hett de Stadt blots för en körten Tiet verlaaten, as he vun Jakob II. vun England bi de sien Throonbestiegen nah England beropen wurr, um hüm un de Königin to malen. 1705 wurr he Perfesser, 1738 Direkter un 1743 Kanzler vun de Pariser Akademie. He is an’ 20. März 1746 in Paris storven.

Largillierre hett tallriek Porträts achterlaaten, meest vun Privatlüüd, de sück dör lebendige, hier un dor aber ok maniereert Upfaaten, bleuen Kolorit un geistriek Behandlung utteken.

Warken (Utwahl)

Largillierre hett sück vörwegend mit Porträt, Historienbiller un Stillleven befaat. He hett meest ahn Utnahm Liddmaten vun den Hoff oder vun dat vörnehm Börgerdom malt.

Bildnis vun en Beamten, 1718, Lienwand, 82 × 64 cm
Bildnis bun en Unbekannten, 1710, Lienwand, 126 × 98 cm
Börgermeester Boucher d'Orsay, um 1704, Lienwand, 138 × 106 cm
De Goldschmitt Thomas Germain un sien Fru, 1736, Lienwand, 145 × 112 cm
De Maler mit Fru un Dochter, um 1715, Lienwand, 149 × 200 cm
Duc de Biron, 1714, Lienwand, 140 × 105 cm
Erik Graf Sparre, 1713, Lienwand, 90 × 72 cm
François Jules du Vaucel, 1724, Lienwand, 138 × 105 cm

Porträt vun de Marquise de Gueydan as Flora
Porträt vun den Goldschmitt un Orientreisenden Jean-Baptiste Tavernier
Porträt vun Ludwig XIV. un de sien Arven
Porträt des Charles Le Brun (1686), Louvre
Friedrich August Graf Rutowski (ca. 1729)
De muie Straßburgerin

Literatur

Nicolas de Largillière. In: Ulrich Thieme, Felix Becker u. a.: Allgemeines Lexikon der Bildenden Künstler von der Antike bis zur Gegenwart. Band XXII, E. A. Seemann, Leipzig 1928, S. 382ff.

Weblenken

Nicolas de Largillière. Mehr Biller, Videos oder Audiodateien to’t Thema gifft dat bi Wikimedia Commons.