Olaf Cord Dielewicz
Olaf Cord Dielewicz (* 1942[1]) is en düütschen Politiker von de SPD.
Dielewicz is 1942 boren un keem 1961 as Soldaat bi de Marien toeerst na Flensborg.[2] Na disse Tied weer he Stadtdirekter von de Stadt Oosterholt-Scharmbeek. Dat is he bleven, bet he an’n 9. November 1982 as Böverbörgermeester von Flensborg wählt worrn is. Sien Amtstied in Flensborg füng an’n 1. Februar 1983 an.[3] Mit dat Enn von’n Kolen Krieg füng de Kunverschoon von de Militärstadt Flensborg an. Besünners de Wannel von’n Stüttpunkt Flensborg-Mürwik schull de Politik noch bet in de Tied na de Johrdusendwenn beschäftigen. In Dielewicz sien Amtstied füllen ok de Sanerung von dat Raadhuus un de Neebo von’n Zentralen Omnibusbahnhoff Flensborg, de to de Tied temlich ümstreden weer.[4][5]
Dielewicz is bet 1999 Böverbörgermeester bleven. In dat Johr is de Böverbörgermeester in Flensborg dat eerste Maal direkt wählt worrn. Dielewicz is aver nich to de Wahl antreden. He harr al vörher kund daan, dat he as Präsident to’n Spoorkassen- un Giroverband för Sleswig-Holsteen wesseln wull.[6] Sien Nafolger as Böverbörgermeester is denn Hermann Stell von de CDU worrn. Dat Amt bi’n Spoorkassenverband harr he bet 2005.[7]
Footnoten ännern
- ↑ Erich Hoffmann: Mare Balticum. Beiträge zur Geschichte des Ostseeraums in Mittelalter und Neuzeit. Thorbecke Jan Verlag, 1992, Sied 487
- ↑ Kollege Roboter, Die Zeit an’n 18. März 1999; afropen an’n 2. Mai 2016
- ↑ http://www.ulrich-jochimsen.de/files/Monopol_1%2013.pdf
- ↑ Flensburg offline: Ist das Flensburger Rathaus böse? un Flensburg Online — Wettbewerb. Schleswig-Holstein spinnt!, von’n April 2002; afropen an’n 2. Mai 2016
- ↑ Stadt Flensburg. Stadtgeschichte. 1990 - 2011, afropen an’n 2. Mai 2016
- ↑ Stichwahl: CDU-Kandidat wird Flensburger Oberbürgermeister, Die Welt an’n 7. Juli 1999 un Die Welt: Wenn's um Geld geht – Sparkasse!, von’n 6. Januar 2013; afropen an’n 2. Mai 2016
- ↑ Flensburg: Die verkaufte Stadt, Flensburger Tageblatt an’n 27. Oktober 2010; afropen an’n 2. Mai 2016