Ooltpleistozän

System Periood	Serie Epoch	Stoop Öller	≈ Öller (Mya)
Quartär	Holozän	Holozän	Hüüt–0,011784
	Pleistozän	Jungpleistozän	0,011784–0,126
		Middelpleistozän	0,126–0,781
		Ooltpleistozän	0,781–1,806
		Gelasium	1,806–2,588
deeper	deeper	deeper	öller

Dat Ooltpleistozän oder Ünnere Pleistozän (In marine Rebeden ok as Calabrium betekent) is de längste Afsnitt vun de Epoch Pleistozän vun de Eerdhistorie. Anfungen hett dat vör ruchweg 1,806 Millionen Johren un güng vör üm un bi 0,781 Millionen Johren to Enn. Dorna keem dat Middelpleistozän.

Naam

Man geiht dorvun ut, dat dat ünnere Pleistozän in tokamen Tiet in „Calabrium“ ümnöömt warrt. De böverste Stoop vun’t Pliozän, also dat Gelasium, is butendem in dat Pleistozän mitrintogen worrn un höört nu to dat Quartär. De Naam „Ooltpleistozän“ is dorüm nich mehr akkerat, vun wegen, dat disse Stoop nu de tweete vun’t Pleistozän warrt. Ein Global Stratotype Section and Point (GSSP; ruchweg dat glieke as en Tyypprofil) is opstunns noch nich fastleggt worrn.

Definitschoon

De Ünnergrenz vun de Stoop liggt jüst över’t Top vun de magneetsche Polaritäts-Chronozoon C2n (Olduvai-Chronozoon) un den Utstarvhorizont vun de kalkigen Nannoplankton-Oort Discoaster brouweri – dat is de Basis vun de kalkigen Nannoplankton-Zoon CN13. Bito fallt de Basis mit dat eerste Opduken vun de kalkigen Nannoplankton-Form Gephyrocapsa spp. un den Utstarvhorizont vun de planktonischen Foraminiferen-Oort Globigerinoides extremus tosamen. De bövere Grenz is dör de Brunhes-Matuyama-Ümkehr vun dat Eerdmagnetfeld defineert.

Literatur

• Felix Gradstein, Jim Ogg, Jim & Alan Smith: A Geologic timescale. Cambridge University Press 2005 ISBN 9780521786737
• Wighart von Koenigswald: Lebendige Eiszeit. Klima und Tierwelt im Wandel. Theiss-Verlag, 2002, ISBN 3-8062-1734-3
• Maria Bianca Cita, Luca Capraro, Neri Ciaranfi, Enrico Di Stefano, Maria Marino, Domenico Rio, Rodolfo Sprovieri und Gian Battista Vai: Calabrian and Ionian: A proposal for the definition of Mediterranean stages for the Lower and Middle Pleistocene. Episodes, 29(2):107-114, Beijing 2006

Weblenken

• Deutsche Stratigraphische Kommission (Rgv.) (2002): Stratigraphische Tabelle von Deutschland 2002. ISBN 3-00-010197-7 - PDF (Groot)
• Detailed charts: Neogene - Late Oligocene (0-33 Ma time-slice), Norges Network of offshore records of geology and stratigraphy (pdf, 2,65 Mb)