Op Platt

Op Platt (ok Die Welt op Platt) is en Reeg vun Dokmentatschonen för dat Feernsehn, de vun 2006 bet 2012 vun’n NDR produzeert worrn is.

Moderatoren weren Yared Dibaba un Julia Westlake. De beiden hebbt verschedene Länner op de Eerd besöcht un dor Plattsnackers drapen un wiest woans se leven doot. Dibaba hett mit de Inheemschen Platt snackt, Westlake dee dat op Hoochdüütsch beglieden. Op Platt wiest in de Reeg, dat Plattdüütsch nich alleen in Noorddüütschland snackt warrt, man op de ganze Welt. De Reeg is in’n Oktober 2006 toeerst lopen un keem in’t Programm, nadem se Talk op Platt afsett harrn.

Folgen

De Öörd, de Op Platt al besöcht hett un wannehr de Folgen lopen sünd:

• Namibia: 8. Oktober 2006 (veerdel vör veer namiddags)
• New York: 15. Oktober 2006 (veerdel vör veer namiddags)
• Paraguay/Chaco: 22. Oktober 2006 (veerdel vör veer namiddags)
• Iowa: 29. Oktober 2006 (veerdel vör veer namiddags)
• Australien/Sydney: 27. Mai 2007 (veerdel na dree namiddags)
• Süüdafrika/Natal: 28. Mai 2007 (veerdel na dree namiddags)
• Kansas: : 3. Juni 2007 (veerdel vör veer namiddags)
• Brasilien/Pomerode: 10. Juni 2007 (veerdel vör veer namiddags)
• New York 2: 7. Oktober 2007 (veerdel na dree namiddags)
• Kapstadt/Süüdafrika 2: 14. Oktober 2007 (veerdel na dree namiddags)
• Sibirien: 21. Oktober 2007 (veerdel na dree namiddags)
• Nebraska: 28. Oktober 2007 (veerdel na dree namiddags)
• Wisconsin
• Seattle
• Shanghai
• Adelaide/Australien
• Chile
• New York I: 25. Mai 2008 (veerdel vör veer namiddags)
• New York II: 1. Juni 2008 (veerdel vör veer namiddags)
• Seattle: 8. Juni 2008 (veerdel vör veer namiddags)
• Sibirien/Altai: 15. Juni 2008 (veerdel vör veer namiddags)
• Kalifornien: 20. September 2009 (halvig dree namiddags)
• San Francisco: 27. September 2009 (veerdel na dree namiddags)
• Nebraska: 4. Oktober 2009 (veerdel na dree namiddags)
• Australien/Victoria: 11. Oktober 2009 (halvig dree namiddags)
• Australien: 18. Oktober 2009 (veerdel na dree namiddags)
• Chile: 25. Oktober 2009 (halvig dree namiddags)
• Florida: 2. Mai 2010 (veerdel na dree namiddags)
• Kanada: 27. Dezember 2012 (halvig twölv morgens)
• Westaustralien: 28. Dezember 2012 (halvig twölv morgens)
• Australien: 29. Dezember 2012 (halvig twölv morgens)