Otto Diederich Wilhelm von Schlütter

Otto Diederich Wilhelm von Schlütter (* 15. April 1710; † 14. Dezember 1786 in Stood) weer en düütschen Jurist.

Von Schlütter is 1710 as Söhn von Anna Sabina, borene von Klinggräff (6. November 1672–2. November 1714), un den Generalmajor Johann Christian von Schlütter (15. Januar 1655–2. August 1731) boren. He is Justiz- un Kunsistorialraad un Hoffgerichtsassesser bi de Justizkanzlie Stood un dat Hoffgericht Stood ween. 1781 is he Viezdirekter von de Justizkanzlie un dat Hoffgericht worrn. Von 1784 bet to sien Dood 1786 harr he as Direkter dat Leid över de beiden Gerichten. Ok dat Leid över dat Kunsistorjen in Stood weer dor mit verbunnen.

Von Schlütter hett an’n 28. Oktober 1748 Cornelia Charlotta von Skölln (1733-1800) freet. De beiden harrn de Kinner Johann Julius Conrad (25. Juli 1749–11. April 1827), Joachim Christoph Gerlach (* 14. August 1750), Friedrich Wilhelm Carl (* 11. Januar 1752), Carl Christian Wilhelm (7. Oktober 1753–1793), Ehrengard Hedewig (30. Juli 1755–9. November 1755), Georg Diederich (18. Mai 1757–23. Februar 1758) un Wilhelmine Auguste Eleonore (* 9. August 1759).[1]

FootnotenÄnnern

  1. Johann Hinrich Pratje: Vermischte historische Sammlungen. Verlag des Vaterländischen Vereins, Stood 1844, Sied 199