Pantages Theatre
Dat Pantages Theatre (ehmols RKO Pantages Theatre) is en Theaterbowark in Hollywood, Kalifornien. In de Johren vun 1950 bit 1960 weern door de Oscars vergeven. Bit 1977 weer dor en Kino ünnerbröcht, siet de Tiet warrt dat as Musiktheater nütt.
Historie
ännernDat Pantages Theatre is vun den Architekt B. Marcus Priteca op’n 6233 Hollywood Boulevard för den Veranstalter Alexander Pantages boet worrn. An’n 4. Juni 1930 weer dat Bowark as Deel vun’t Pantages Theatre Circuit apen maakt. To de Tiet gell dat as dat gröttste Filmtheater vun Hollywood un weer dat eerste Art-Deco-Kino vun de USA. De Bühnenmechanik harr ünner annern en Optog un gell as de modernste vun ehr Tiet[1]. Dat Huus weer oorsprünglich mit twölf Stockwarken plaant, dorvun teihn as Büroflachen un twee för Kinos. Man, wegen de Weltweertschopskries weer de Bo al na dat tweete Stockwark fardig maakt. As eerste Film weer in dat Kino Floradora Girl mit Marion Davies wiest[1].
In’n Speelbedrief weern toeerst Filmen un Vaudeville-Shows in’n Wessel wiest. Vun 1932 an güng man dorto över, blots noch Filmen to wiesen. In dat sülve Johr hett Alexander Pantages dat Filmtheater ut Geldnoot an de Fox West Coast Theatres verköfft. Howard Hughes hett dat Huus 1949 opköfft un in sien RKO Theatre Circuit inföögt. He sülvst hett in’n tweeten Stock sien Gewarfsrüüm inricht. In de Tiet vun 1950 bit 1960 weer in dat Theater jeed Johr de Oscar-Vergaav afhollen.
Dat Pantages Theater weer in’n Januar 1977 as Kino dicht maakt un een Maand later as Theater ünner dat Regeer vun de Nederlander Group wedder apen maakt. Bit vundaag gellt dat Theater as een vun de besten (Musik-)Theaterbühnen vun Los Angeles. Bito warrt regelmatig Filmen, Fernsehsennen oder Musikvideos in’t Pantages dreiht, as to’n Bispeel de Kunzertszenen vun den Film The Jazz Singer, de 1980 rutkamen is. Mitünner warrt in’t Pantages ok Rockkunzerten geven. To’n Bispeel geev Shakira 1997 ehr eerst Kunzert in de USA in’t Pantages Theatre.
Dat Theater is 2000 för ruchweg 10 Millionen US-Dollar vun Grund op renoveert worrn. 2007 geev dat Plaans, dat Pantages – as dat oorsprüngliche dacht weer – op twölf Stockwarken to vergröttern[2].
Literatur
ännern- The Hughes Haunting. In: Tom Ogden: Haunted Hollywood. Globe Pequot, 2009, S. 136–141.
Borns
ännern- ↑ a b Gregory Paul Williams: The Story of Hollywood: An Illustrated History. storyofhollywood, 2006, S. 177.
- ↑ Roger Vincent: Decades later, 12-story plan for Pantages revived. LA Times, 6. Dezember 2007.
Weblenken
ännern
Koordinaten:34° 6′ N, 118° 20′ W