Paul Chocque
Paul Chocque (* 14. Juli 1910 in Meudon; † 4. September 1949 in Paris) weer en franzöösch Radsportler.
1932 is Paul Chocque bi de Olympisch Spelen in Los Angeles up de Bahn un up de Straat antreeden. In de Mannschapsverfolgung wunn he dorbi gemeensam mit Amédée Fournier, Henri Mouillefarine un René Le Grevès de Sülvermedaille. In dat Straatenrennen keem he in’t Eenzel up Platz 10 un mit de Mannschap reck he Platz fiev. In dat sülvig Johr keem he bi de Amateur-Straatennweltmeesterschap in Rom up den darten Platz. 1933 wunn he den Grand Prix Wolber.
Ansluutend wurr Chocque Profi. 1936 wunn he Bordeaux–Paris un dat Critérium International, 1936 un 1938 wurr he franzöösch Meester im Dwarsdörfeld-Rennsport.[1] Tweemal is he bi de Tour de France antreeden. 1935 keem he dorbi up de 31. Platz in de Gesamtwertung, 1937 belegg he Rang söben un kunn dorbi een Deelstreck un een Halfdeelstreck up sien Naam schrieven.
Paul Chocque is in dat Öller vun 39 Johr nah en Stört bi en Steherrennen in dat Prinzenparkstadion in Paris storven.[1]
Weblenken
ännern- Paul Chocque in de Datenbank vun Radsportseiten.net
- Paul Chocque in de Datenbank vun Sportsreference.com (engelsch)
- Paul Chocque in de Datenbank vun de Tour de France (franzöösch)
- Paul Chocque In: cartophilie-viroflay.org. Afropen an' 29. März 2015 (franzöösch)
Enkeld Nahwiesen
ännern- ↑ a b Karl Lennartz/Wolf Reinhardt/Ralph Schlüter: Die Spiele der X. Olympiade 1932 in Lake Placid und Los Angeles, Agon-Verlag, 2015, Siet 220, ISBN=978-3-89784-406-3