Paul Thompson (Politiker)
Paul Adrian Thompson is en Politiker ut Belize (PUP).
Thompson hett an de University of North Florida en Bachelor in Business Administration maakt. Von 2013 af an weer he för en Tied CEO von dat Ünnernehmen Belize Infrastructure Limited.
He is blangenbi siet 2008 Präsident von de Belize Basketball Federation un siet 2014 Viezpräsident von de Confederation of Central American Basketball.[1][2]
Bi de Parlamentswahl in Belize 2015 weer he de PUP-Kannedaat för’n Wahlkreis Albert. He hett 40,38 % von de Stimmen kregen un kunn sik dormit nich gegen Tracy Ann Panton von de UDP dörsetten.
He weer denn von März 2016 bet August 2019 för de Oppositschoonspartei PUP Maat von’n Senaat von Belize.[3] He hett sien Mandaat as Senater opgeven, üm för de PUP bi de Parlamentswahl 2020 in’n Wahlkreis Albert antotreden.
Footnoten ännern
- ↑ Paul Thompson Elected as President of Belize Basketball Federation, Amandala an’n 5. September 2008
- ↑ Paul Thompson elected Vice President of COCABA, San Pedro Sun an’n 13. März 2014
- ↑ New PUP senators to be installed in time for budget debate, Amandala an’n 5. März 2016