Peter-de-Grote-Bucht
De Peter-de-Grote-Bucht (russisch Зали́в Петра́ Вели́кого Saliw Petra Welikowo) is en Bucht von de Japaansche See in de russ’sche Region Primorje, Föderatschoonskreis Feernoost, de sik ut Amurbucht, Ussuribucht, Oosten Bosporus un en Reeg annere lüttjere Buchten tohoopsett. In de Bucht liggt en Barg Eilannen, mank jem de Kaiserin-Eugenie-Archipel vör de Murawjow-Amurski-Halvinsel (mit dat Russki-, Elena-, Popow- un Reineke-Eiland) un de Rimski-Korsakow-Archipel. In’t Zentrum von de Bucht liggt de Havenstadt Wladiwostok, an’n Oostrand de Stadt Nachodka. De Nachodka-Bucht is wichtig för Russland, von wegen dat de Bucht dat ganze Johr iesfree is, wieldes de Rest von de Peter-de-Grote-Bucht normalerwies von Dezember bet April tofrüst.
De Bucht reckt von de Grenz von Russland na Noordkorea an de Münn von’n Tumen bet na Kap Poworotni, wat knapp 200 km sünd.
Na Verscheel von Russland billt de Bucht en histoorsche Bucht na de Definitschoon von’n UN-Seerechtsverdrag. Von annere Staten (mank jem vör allen de USA) warrt düt Verscheel afstreden. De Status as histoorsche Bucht dee bedüden, dat ok Delen von de See buten de 12-Seemielen-Grenz to Russland hören deen.
De Bucht hett in dat 19. Johrhunnert to China höört un in’n Westen ok Victoria Bay heten, man de Russen hebbt ehr 1859 na Zar Peter den Groten den hüdigen Naam geven. Een Johr later hebbt de Russen ok Wladiwostok grünnt, nadem China dat Rebeed in de Kunventschoon von Peking an Russland aftreden harr.
Koordinaten:42° 46′ N, 131° 51′ O