Petersmoor
Petersmoor (hoochdüütsch Petersmoor) weer en lütten Oort bi Buxthu. Dat Rebeed is vondaag kumplett mit Buxthu tohoopwussen. Dat höört to de Gemeen Buxthu in’n Landkreis Stood, Neddersassen.
De Naam von’n Oort is noch as Stratennaam bewohrt bleven, aver von dat ole Petersmoor is vondaag nix mehr nableven. De ole Oort is kumplett överboot von en Wahnrebeed, dat in de Midd von dat 20. Johrhunnert anleggt worrn is.
Geografie ännern
De Oort leeg dicht bi’n Rand von de Stoder Geest in dat Randmoor von de Masch an de Eest un Elv. Na Noorden to liggt Oolland. Dat Water ut dat Rebeed flütt över de Vagelsanger Wettern na de Eest hen af.
De Öörd ümto weren Westmoor in’n Noorden, Buxthu in’n Noordoosten, Sanneree un Lümbörger Schanz in’n Süüdoosten, Ooldklooster in’n Süden, Heitmannshusen in’n Westen un Dammhusen in’n Noordwesten.
Historie ännern
De Oort is as lüttje Buurnkolonie in’t Moor anleggt worrn.
Dicht an’n Süüdrand von Petersmoor an de Geestkant löppt siet 1881 de Nedderelvbahn langs.
Verwaltungsgeschicht ännern
De Oort hett vör 1885 to de Stadt Buxthu tohöört, de to keen Amt höört hett. Na 1885 weer dat in’n Kreis Jörk un is 1932 Deel von’n Kreis Stood worrn.
De Oort is an’n 1. Juli 1972 as Deel von de Stadt Buxthu mit de Gemeenreform in Neddersassen an de nu gröttere Gemeen Buxthu kamen.
Inwahnertall ännern
| Johr | Inwahners |
|---|---|
| 1. Dezember 1871[1] | 20 Lüüd, 4 Hüüs |
| 1. Dezember 1885[2] | 23 Lüüd, 4 Hüüs |
| 1. Dezember 1905[3] | 50 Lüüd, 5 Hüüs |
Religion ännern
Petersmoor weer evangeelsch-luthersch präägt un hett to dat Kaspel von de Petrus-Kark in Buxthu höört.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
Koordinaten:53° 28′ N, 9° 41′ O