Westmoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21614 | |
| Vörwahl: | 04161 | |
| Geograafsche Laag: | Koordinaten:53° 29′ N, 9° 41′ O53° 29′ N, 9° 41′ O | |
|
| ||
Westmoor (hoochdüütsch Westmoor) is en Oort in de Gemeen Buxthu in’n Landkreis Stood, Neddersassen. De Oort höört polietsch al von öllers bi Buxthu mit bi un is vondaag mit Buxthu tohoopwussen. In’n Oosten von Buxthu liggt de Oort Oostmoor.
Geografie
ännernDe Oort liggt in dat Randmoor von de Masch an de Eest un Elv, nich wied af von de Geestkant. Na Noorden to liggt Oolland. Dat Water ut Westmoor flütt över de Vagelsanger Wettern na de Eest hen af.
De Naveröörd sünd Loodkup in’n Noorden, Eestbrügg un Neeland mit Vagelsang in’n Noordoosten, Buxthu in’n Süüdoosten, Ooldklooster mit Petersmoor in’n Süden, Heitmannshusen in’n Süüdwesten, Neeklooster in’n Westen un Dammhusen in’n Noordwesten.
Historie
ännernWestmoor is as Moorkolonie anleggt worrn.
De süden Deel von Westmoor is vondaag von de Wahnrebeden an’n Westrand von Buxthu opfreten worrn. De noorden Deel besteiht aver noch. Dor gifft dat deelwies ok noch Bueree.
Verwaltungsgeschicht
ännernDe Oort hett vör 1885 to de Stadt Buxthu tohöört, de to keen Amt höört hett. Na 1885 weer dat in’n Kreis Jörk un is 1932 Deel von’n Kreis Stood worrn.
De Oort is an’n 1. Juli 1972 as Deel von de Stadt Buxthu mit de Gemeenreform in Neddersassen an de nu gröttere Gemeen Buxthu kamen.
Inwahnertall
ännern| Johr | Inwahners |
|---|---|
| 1824[1] | 8 Füürsteden |
| 1848[2] | 48 Lüüd, 8 Hüüs |
| 1. Dezember 1871[3] | 58 Lüüd, 8 Hüüs |
Religion
ännernWestmoor is evangeelsch-luthersch präägt un höört to dat Kaspel von de Petrus-Kark in Buxthu.
För de Kathoolschen is de St.-Maria-Kark in Buxthu tostännig.
Weertschop un Infrastruktur
ännernVerkehr
ännernDör Westmoor löppt de Kreisstraat 51, de in’n Süüdoosten na De Ooldstadt von Buxthu geiht un in’n Noordwesten na Dammhusen un an de K 26. De Bundsstraat 73 liggt veer Kilometer Autofohrt in’n Süden.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so dree Kilometer in’n Noordwesten von Westmoor an de K 26.
De nächste Bahnhoff is so bi twee Kilometer wied weg in’n Süüdoosten de Bahnhoff Buxthu an de Nedderelvbahn.
Footnoten
ännern- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 658
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139