Petri Pasanen

Petri Pasanen (* 24. September 1980 in Lahti) is en Footballspeler ut Finnland. In'n Momang speelt he för FC Red Bull Salzburg in de Football-Bundsliga.

Spelerinformatschonen
Petri Pasanen

Vullstännig Naam	Petri Pasanen
Geboortsdag	1980-09-2424. September 1980
Geboortsoort	Lahti, Finnland
Positschoon	Afwehr
Vereensinformatschonen
Vereen	FC Red Bull Salzburg
Trikottall	8
Verenen in de Jöögd
1987–1997	FC Kuusysi
Verenen as Speler¹
Johren	Vereen	Spelen (Doren)
1997–2000 2000–2004 2004 2004–2011 2011-2012 2012-	FC Lahti Ajax Amsterdam → FC Portsmouth Werder Bremen FC Red Bull Salzburg Aarhus GF	71 (2) 52 (7) 12 (0) 94 (3) 18(0)
Natschonalmannschop²
2000–	Finnland U-21 Finnland	6 (0) 67 (1)
¹ Blots Liga-Spelen. Stand: 20. Mai 2012 ²Stand: 8. März 2012

Sien Weg as Footballer

Bi’n Vereen

Pasanen speelt an’n leevsten in’t Afwehr-Zentrum, man he kann ok up de Butenbahn up de rechte oder lunke Siet insett’ weern.

Sien Weg as Profi güng los bi den FC Lahti in de eerste Liga vun Finnland.

To de Saison 2000/2001 güng he för 2,6 Mio. € na Amsterdam to Ajax. Dormols höpen de Finnen, he scholl dat in’n Football in Finnland mol wiet bringen. Man denn besehr he sik. Ofschoonst he jungen Natschonalspeler weer, keem he an de eerste Mannschop vun Ajax nich mehr ran un hett ok dat Vertroen vun den Trainer Ronald Koeman nich mehr hadd.

Dormit he liekers up’n hogen Niveau spelen konn, is he denn 2004 an den Klub FC Portsmouth in de engelsche Premier League utlehnt wurrn. Na ene halve Saison wessel he an’n 15. Juli 2004 na Bremen to den SV Werder. Dor hett he sik gegen den dormoligen düütschen Natschonalspeler Frank Fahrenhorst dörsetten konnt un hett as Stammspeler in dat Afwehr-Zentrum an de Siet vun Valérien Ismaël stahn. As Ismaël to de Speeltied 2005/2006 na den FC Bayern München weggüng, weer he noch wichtiger in de Bremer Achtermannschop. Man in’n Harfst 2005 möss he för sess Maanden Bott geven. He harr sik en Schädeltrauma totagen, as he sik an’n Kopp verletzen dö. Nu hool sik Frank Fahrenhorst sien Platz as Stammspeler torüch. Ok to’n Anfang vun de Saison 2006/2007 konn he Per Mertesacker an de Siet vun Naldo in dat Bremer Afwehr-Zentrum nich an’e Siet schuven. Man an’t Enne vun desülbige Saison möss Mertesacker denn vunwegen en Verletzung buten blieven un Pasanen hett em denn goot vertreden un wiest, dat he en Klassespeler is. In de Saison 2007/2008 hett he faken up de Butenbahnen speelt, weil Clemens Fritz un ok Pierre Womé allerhand Maleschen mit jem ehr Verletzungen hadd hefft. He hett dor en mooi Door gegen Eintracht Frankfort bi schaten.

He warrt ankeken as een, de na achtern hen stark is, de sik nix vörmaken lett un ok rechts un links Buten spelen kann.

An’n 20. März 2008 is bekannt maakt wurrn, dat Pasanen sien Verdrag, de an’t Saisonenne utlopen dö, för noch mol dree Johren verlängert hett bit to’n Johr 2011.

Natschonalmannschop

För dat Natschonalteam vun Finnland hett Pasanen to’n eersten Mol an’n 15. November 2000 gegen Irland speelt. Tomeist speelt he för Finnland up de rechte Butenbahn, vunwegen dat dat Afwehr-Zentrum mit Spelers as Sami Hyypiä oder Hannu Tihinen starke Lüde vör to wiesen hett.

Wat he schafft hett

Nedderlannsch Meester 2002 mit Ajax Amsterdam
Nedderlannsch Pokalwinner 2002 mit Ajax Amsterdam
Nedderlannsch Supercup-Winner 2002 mit Ajax Amsterdam
DFL-Ligapokal-Winner 2006 mit Werder Bremen

Weblenks

Werder.de – Över den Speler (hoochdüütsch)

Mannschop vun Werder Bremen in de Saison 2009/10