Clemens Fritz (* 7. Dezember 1980 in Erfurt) is en düütschen Footballspeler. Toletzt speel he för den SV Werder Bremen in de Football-Bundsliga.

Clemens Fritz
Spelerinformatschonen
Vullstännig Naam Clemens Fritz
Geboortsdag 1980-12-077. Dezember 1980
Geboortsoort ErfurtDDR
Positschoon Afwehr
Vereensinformatschonen
Vereen SV Werder Bremen
Trikottall 8
Verenen in de Jöögd
Rot-Weiß Erfurt
VfB Leipzig
Rot-Weiß Erfurt
Verenen as Speler1
Johren Vereen Spelen (Doren)
1999–2001
2001–2003
2003–2006
2006–
Rot-Weiß Erfurt
Karlsruher SC
Bayer 04 Leverkusen
Werder Bremen
57 (14)
62 (7)
43 (2)
64 (2)
Natschonalmannschop2
2001
2002
2006–
Düütschland U-21
DFB-Team 2006
Düütschland
1 (0)
1 (0)
22 (2)

1 Blots Liga-Spelen.
 Stand: 30. November 2008
2Stand: 14. November 2009

Sien Weg as Footballer ännern

In’n Vereen ännern

In siene Jugendtied hett Clemens Fritz bi den FC Rot-Weiß Erfurt speelt. As düsse Vereen mit de Finanzen in’e Bredullje keem, hett sik de VfB Leipzig den Speler hoolt. Twee Johr later kemen ok de Leipzigers in sware See, wat dat Geld angüng. Dor hefft de Erfurters Clemens Fritz foorts torüch hoolt. Fritz hett dat glieks in de Reginalligamannschop schafft un is dor en vun de besten Spelers ween. In de Speeltied 2000/2001 hett he in de Regionalliga Süüd in 32 Spelen 10 Doren för Erfurt schaten. Dorna wessel he mit sien Fründ Marco Engelhardt na den Karlsruher SC, de just in de Tweete Liga upstegen weer. Bi jem ehren neen Vereen sünd de Beiden gau Stammspelers wurrn. In’t Johr 2003 güngen jem ehr Wegen denn doch ut’neen. Fritz güng in de 1. Football-Bundsliga na Bayer 04 Leverkusen. Dor hett he an’n 9. November 2003 to’n eersten Mol speelt. An’n 24. Juni 2004 hett Fritz sik bi en Testspeel dat Wadenbeen braken. He möss verscheden Molen opereert weern un konn in de ganze Speeltied 2004/2005 nich een Speel mitmaken. Bloß in de Champions-League hett he an’n 9. März 2005 gegen den FC Liverpool 40 min mitmaakt. In’n August 2005 güng dat avers wedder un he möök wedder mit bi den regelmotigen Speelbedriev. To de Saison 2006/2007 wessel he na den SV Werder Bremen. Dor hett he en Verdrag bit 2009 unnerschreven. Up de rechte Afwehrsiet hett he up’n Stutz Patrick Owomoyela an’e Kant schaven. De weer in de Vörsaison Stammspeler up düssen Posten ween. Vun siene Tied in Leverkusen af an speel he as Afwehrspeler up de rechte Siet. Fröher weer he ja Störmer ween. 2017 hett he sien aktiv Loopbahn afslooten.

 
Clemens Fritz bi Werder Bremen


Natschonalmannschop ännern

To’n eersten Mol is Fritz an’n 29. September 2006 vun Bundstrainer Joachim Löw för en Lännerspeel beropen wurrn. Dat güng gegen Georgien. Dat weer an’n 7. Oktober in Rostock un Fritz is ok insett wurrn. He hett bi sien eerst Speel up siene Positschoon rechts achtern glieks övertüügt un dröff denn ok bi de Qualifikatschoon för de EM mitmaken. An’n 2. Juni 2007 hett he gegen San Marino sien eerst Door för de Natschonalmannschop schaten. 2008 is he ok för de düütsche Mannschop för de EM 2008 beropen wurrn un höör jummers to de eersten ölben Spelers, de bi’n Start al dorbi sünd.

Wat he schafft hett ännern

  • DFL-Ligapokal-Winner 2006 mit Werder Bremen
  • Viez-Europameester 2008 mit de Düütsche Natschonalmannschop in Öösterriek un de Swiez

Weblenks ännern