Sebastian Boenisch

Spelerinformatschonen
Sebastian Boenisch
Geboortsdag	1987-02-011. Februar 1987
Geboortsoort	Gleiwitz, Polen
Positschoon	Afwehr
Vereensinformatschonen
Vereen	SV Werder Bremen
Trikottall	2
Verenen in de Jöögd
1992–2000 2000–2001 2001–2003 2003–2006	SSVg 09/12 Heiligenhaus Borussia Velbert Rot-Weiß Oberhausen FC Schalke 04
Verenen as Speler¹
Johren	Vereen	Spelen (Doren)
2006–2007 2007–	FC Schalke 04 Werder Bremen	9 (0) 19 (1)
Natschonalmannschop²
2006–2007 2007–	Düütschland U-20 Düütschland U-21	9 (0) 7 (0)
¹ Blots Liga-Spelen. Stand: 30. November 2008 ²Stand: 9. September 2007

Sebastian Boenisch (* 1. Februar 1987 in Gliwice, Polen) is en düütsch-poolsch Footballspeler. In'n Momang speelt he för den SV Werder Bremen in de Football-Bundsliga.

Sien Weg as Footballspeler

Vereen

Boenisch hett sien Weg as Profi bi den FC Schalke 04 anfungen. Dor is he över de Statschonen SSVg Heiligenhaus (1992–2000), Borussia Velbert (2000–2001) un Rot-Weiß Oberhausen (2001–2003) henkamen.

As he noch in de A-Jugend spelen dö, hett he an'n 11. Februar 2006 al dat eerste Mol in de Bundsliga mitspeelt. Dormols hett Schalke 7:4 gegen Bayer Leverkusen wunnen. Bloß fiev Dage later hett he ok al dat eerste Mol in'n UEFA-Cup mispeelt. Dat weer bi den 2:1-Sieg gegen Espanyol Barcelona.

In de A-Jugendmannschop vun Schalke hett Boenisch in de Speeltied 2005/2006 ölben Doren schaten. Dat weern de drüttmeisten in sien Team. He weer en vun de Besten in de Mannschop un hett dor ok duchtig to hulpen, dat se Düütsche Jugendmeester wurrn is. In't Endspeel an'n 4. Juni 2006 hett he mit en Foulölbenmeter dat tweete Door gegen den FC Bayern München schaten. Amenne hett Schalke 2:1 wunnen.

In'n Mai 2007 hett Schalke sien Verdrag verlängert bit 2010. Man Boenisch weer untofreden, vunwegen dat he an'n Anfang vun de Speeltied 2007/2008 nich to de 18er-Profi-Mannschop hören dö. Al in'n August 2007 wessel he dorüm na Werder Bremen. Dor kreeg he en Verdrag bit 2011.^[1] Twee Mol hett he kort mitspeelt, denn kreeg he wat af un möss för den Rest vun de Henrunn utscheden. Vun den 20. Speeldag af an hett he avers regelmatig mitmaken konnt.

Natschonalmannschop

Sebastian Boenisch is vun den poolschen Footballverband to en Lehrgang vun de poolsche U-19-Natschonalmannschop in'n Februar 2006 inlaadt wurrn.^[2]. He hett dor avers nich mitmaakt, man he harr sik överleggt, he wull doch lever bi de Düütschen mitspelen. Vun dor af an speelt he för dat düütsche U-20- un U-21-Team. 2010 hett he denn aber doch för Polen sien eerst Lännerspeel makt.

Belegen

↑ Werder.de: Werder verpflichtet Sebastian Boenisch bis 2011
↑ pzpn.pl: Teilnehmerliste des Lehrgangs

Weblenks

Werder.de - Över den Speler

Mannschop vun Werder Bremen in de Saison 2009/10

[1] Werder.de: Werder verpflichtet Sebastian Boenisch bis 2011

[2] zpn.pl: Teilnehmerliste des Lehrgangs

[1]

[2]