Petrochemie

De Petrochemie (oder Petrolchemie; na (greeksch) petros = Fels un (lat.) oleum = Ööl) is dat Deelrebeet vun de Chemie, dat sik mit de Produkschoon Stoffen befaat, de op Eerdgas oder egente Frakschonen vun’t Eerdööl baseert.

Weertschopliche Bedüden

Petrocheemsche Anlaag in Baytown, Texas

Wegen jemehr Afhangigkeit vun Naphtha sünd petrocheemsche Anlagen un Bedrieven faken in de Neeg vun Raffinerien boot worrn. De Crackkapazität in Düütschland liggt bi ruchweg 5,8 Millionen Tunnen, de europääsche Kapazität bi ruchweg 26,3 Millionen Tunnen. De Produzenten un Verbrukers vun Ethylen sünd faken över Ethylen-Pipelines mit’nanner verbunnen, üm ünnerscheedliche Produkschoonsmengden uttoglieken. De Pridukschoon in Westeuropa, Asien un Noord- un Süüdamerika legen 2006 bi üm un bi 55,3 Mio. Tunnen för Ethylen, bi 35,6 Mio. Tunnen för Propylen un bi 27,8 Mio. Tunnen för Benzol.^[1] De Ümsatz vun de Petrochemie in Düütschland weer 2007 ruchweg 66 Mrd. Euro.

Grundprodukten un Verfohren

Dat wichtigste Verfohren vun de Petrochemie is dat so nöömte Steamcracken, bi dat Ethan, Fletiggas, Naphtha, Hydrowax, Gasööl oder annere dorför egente Kohlenwaterstoffen bi lütte Tietduern in’t Rebeet vun Millisekunnen (begäng sünd 200 bit 500 ms) un Temperaturen twüschen 800 un 850°C in’n Biwesen vun Waterdamp crackt warrt.^[2] De Gasphaas vun de Steamcrackprodukten bargt de cheemschen Grundstoffen Ethylen, Propylen, den C4-Snitt (vör allen Buten, Iso-Buten un 1,3-Butadien) as ok Isopren. De fletige Phaas bragt vör allen Aromaten as Benzol, Toluol un Xylolen un warrt ok as Pyrolyysbenzin bruukt.

Dat Dampreformeren vun Raffineriegasen oder ok vun licht Naphtha gifft vör allen Kohlenmonoxid un Waterstoff för de Produkschoon vun Methanol, Ammoniak, Etigsüür un Hydreeervörgäng.

Folgprodukten

Ut de cheemschen Grundstoffen warrt dör verschedene Aflööp en grote Tall vun Twüschen- un Endprodukten herstellt.

De bedüdensten dorünner sünd:

Ethylen:
- Polyethylen – t.B. över dat Ziegler-Natta-Verfohren
  - üm un bi 21 % vun de Samtethylenprodukschoon in LDPE
  - üm un bi 13 % as LLDPE
  - üm un bi 23 % as HDPE
- Ethanol – dör Anlagern vun Water
- Ethylenoxid (EO) – dör katalytische Oxidatschoon (ruchweg 11 % vun de Ethylenprodukschoon)
  - Ethylenglykol – dör Reakschoon vun EO mit Water
    - Frostschuulmiddel – bargt Ethylenglycol
    - Polyester – dör Verestern vun Ethylenglycol mit bifunkschonale Süüren
  - Polyethylenglykolen – dör Reakschoon vun EO mit Glykolen
  - Ethoxylaten – dör Reakschoon vun EO mit Alkoholen
  - Monoethanolamin, Diethanolamin, Triethanolamin dör Reakschoon mit Ammoniak
- Vinylacetat – Monomer (ruchweg 2 % vun de Ethylenprodukschoon)
- 1,2-Dichlorethan – dör Chloreren (üm un bi 14% vun de Ethylenprodukschoon)
  - Trichlorethylen – dör Chloreren
  - Tetrachlorethylen – ok Perchloroethylen nöömt; as Reiniger in de “cheemschen Reinigung” un as MIddel to’n Fettwegmaken bruukt
  - Vinylchlorid - Monomer füör Polyvinylchlorid
    - Polyvinylchlorid (PVC) – wiet verbreedt Kunststoff
- α-Olefinen
  - Poly-α-Olefinen as Smeermiddel
  - Co-Monomeren för Polyethylen
  - Fettalkoholen för Wasch- un Reinigungsmiddel
Propylen:
- Acrylsüür
  - Acrylpolymeren
- Allylchlorid
  - Epichlorhydrin – för Epoxid-Horzen
    - Epoxiden – ut Bisphenol A, Epichlorohydrin un Aminen
- Isopropylalkohol – 2-Propanol; Löösmiddel
- Acrylnitril – Monomer för Acrylonitril-Butadien-Styrol (ABS)-Polymer (üm un bi 6 % vun de Samtpropylenprodukschoon)
- Polypropylen – t.B. dör’t Ziegler-Natta-Verfohren (ruchweg 57 % vun de Samtpropylenprodukschoon)
- Propylenoxid (PO) – dör Oxidatschoon (ruchweg 12 % vun de Samtpropylenprodukschoon)
  - Propylenglykol – Reakschoon vun PO un Water
  - Glykolether – dör Reakschoon vun PO mit Propylenglykol
Buten – Monomeren un Co-Monomeren
- Isobuten – dör Reakschoon mit Methanol to MTBE un as Monomer för de Copolymerisatschoon mit Isopren
- 1,3-Butadien – Monomer oder Co-Monomer för de Polymerisatschoon to Elastomeren
  - Kautschuk – ut verschedene Dienen oder chloreerte Dienen
Benzol:
- Ethylbenzol – ut Benzol un Ethylen (üm un bi 7 % vun de Ethylenprodukschoon)
  - Styrol – dör Dehydreren vun Ethylbenzol; Monomer
    - Polystyrol – Polymer ut Styrol
- Cumol – Isopropylbenzol ut Benzol un Propylen; Rohstoff för den Cumol-Afloop (üm un bi 7 % vun de Samtpropylenprodukschoon)
  - Phenol – dör Oxidatschoon vun Cumol
  - Aceton – dör Oxidatschoon vun Cumol
  - Bisphenol A – to’n Herstellen vun Epoxidhorzen
    - Epoxidhorzen
    - Polycarbonate – ut Bisphenol A un Phosgen
  - Löösmiddel
- Cyclohexan – dör Hydreren
  - Adipinsüür – Copolymer för Nylon.
    - Nylon – Polyamid ut Adipinsüür un Diaminen
  - Caprolactam – en Amid to’n Herstellen vun Nylon
    - Nylon – dör Polymerisatschoon vun Caprolactam
- Nitrobenzol – dör Nitreren vun Benzol
  - Anilin – dör Hydreren vun Nitrobenzol
    - Methylendiphenyldiisocyanat (MDI) – Co-Monomer för’t Herstellen vun Polyurethanen
      - Polyurethan
- Dodecylbenzol – en Rohstoff för’t Herstellen vun Wasch- un Reinigungsmiddels
  - Detergentien – bargt faken Solten vun de Dodecylbenzolsulfonsüür
- Chlorbenzol
Toluol:
- Benzol
- Toluoldiisocyanat (TDI) – Co-Monomer för’t Herstellen vun Polyurethanen
  - Polyurethan
- Benzoesüür – dör Oxidatschoon vun Toluol
  - Caprolactam
    - Nylon
Xylol
- Phthalsüüranhydrid
- Dimethylterephthalat
  - Polyester
  - Polyethylenterephthalat
    - Polyester

Borns

Weblenken

Petrochemie. Mehr Biller, Videos oder Audiodateien to’t Thema gifft dat bi Wikimedia Commons.

Disziplinen in de Chemie

Allgemeine Chemie · Anorgaansche Chemie · Biochemie · Orgaansche Chemie · Physikaalsche Chemie · Technische Chemie · Theoreetsche Chemie

Agrochemie · Analytsche Chemie · Atmosphärenchemie · Bochemie · Bioanorgaansche Chemie · Biogeochemie · Bioorgaansche Chemie · Biophysikaalsche Chemie · Böverflächenchemie · Chemoinformatik · Chemometrik · Elektrochemie · Fastobjektchemie · Femtochemie · Geochemie · Kernchemie · Klinische Chemie · Kohlchemie · Kolloidchemie · Kombinatorische Chemie · Kosmochemie · Levensmddtelchemie · Magnetochemie · Medizinsche Chemie · Metallorgaansche Chemie · Natuurstoffchemie · Oleochemie · Petrochemie · Pharmazeutsche Chemie · Photochemie · Physikaalsche Orgaansche Chemie · Polymerchemie · Quantenchemie · Radiochemie · Seechemie · Supramolekulare Chemie · Stereochemie · Strahlenchemie · Struktuurchemie · Textilchemie · Thermochemie · Ümweltchemie

[1] Statistik vun de APPE

[2] ChemgaPedia Steamcracken

[1]

[2]