Petrografie

De Petrografie (ok Petrographie, na’t gr. ok Lithologie) is en Deelrebeet vun de Petrologie, wat wedder to de Eerdwetenschoppen höört. De Petrografie beschrifft de Struktur un de Textur vun Stenen na jemehr Grött, Klöör un Form. Deelrebeden dorvun sünd to’n Bispeel de Sedimentpetrografie un de Boddenphysik. De Petrologie in’n egentlichen Sinn befaat sik mit de geologoosch Billen vun de Stenen binnen de Eer, dör Sedimentatschoon oder tektonische Vörgäng. Dor warrt ut de Tohopensetten torüchslaten op dat Tostannenkamen.

Methoden to’n Ünnersöken sünd in de Petrografie de cheemsch Makro- un Mikroanalys un de mineralogische Proov vun Stenen. Vun Hülp sünd dorbi ok de Verfohren to’n Scheden vun Stoffen, dör de ünnerscheedlichen Mineraloorden in een Steen isoleert warrt. Dat warrt op mechaanschen oder cheemschen Weg maakt. Man ok de physikaalschen Grötten as Dicht, Hard usw. warrt ünnersocht. Dor översnitt sik dat mit de Petrophysik.

Literatur

• Johann Reinhard Blum: Handbuch der Lithologie oder Gesteinlehre. Enke, Erlangen 1860 (Digitalisat)
• Hans Murawski: Geologisches Wörterbuch, Enke-Verlag Stuttgart 1977.